У Берасьці судзяць Лябедзьку і Шушкевіча

2005 2005-10-11T10:00:00+0300 1970-01-01T03:00:00+0300 be Праваабарончы цэнтр «ВЯСНА» Праваабарончы цэнтр «ВЯСНА»
Праваабарончы цэнтр «ВЯСНА»

11 кастрычніка ў Берасьці адбудзецца суд над старшынямі Аб'яднанай грамадзянскай партыі (АГП) Анатолем Лябедзькам і Беларускай сацыял-дэмакратычнай Грамады (БСДГ) Станіславам Шушкевічам. Палітыкаў будуць судзіць за арганізацыю 9 ліпеня ў пасёлку Дамачава Берасьцейскага раёна сходу па вылучэньні дэлегатаў на Кангрэс дэмакратычных сіл, паведаміла радыё Свабода.

Па гэтым абвінавачаньні ўжо прызнаны вінаватым і аштрафаваны на 40 базавых велічыняў лідэр Дамачаўскай раённай арганізацыі Партыі камуністаў Беларускай (ПКБ) Анатоль Новік за тое, што 9 ліпеня ў яго дома праходзіў адкрыты сход актыву ПКБ, на які былі запрошаны прадстаўнікі іншых партый.

"Ніводнай літары закону пры гэтым мы не парушылі", – заяўляе спадар Новік. Аднак праваахоўныя органы абвінавацілі яго ў правядзеньні несанкцыяванага сходу і перадалі дакумэнты ў суд.

Анатоль Лябедзька, якога абвінавачваюць у арганізацыі сходу, не прысутнічаў на ім, паколькі быў затрыманы на пад'езьдзе да месца яго правядзеньня. Аднак, на думку лідэра АГП, нават гэтая акалічнасьць можа быць не прынятая судом пад ўвагу. Палітык мае намер асабіста прысутнічаць на судовым разборы.

Апошнія навіны

слухаць Радыё рацыя Міжнародная федэрацыя правоў чалавека Беларуская Інтэрнэт-Бібліятэка КАМУНІКАТ Грамадзкі вэб-архіў ВЫТОКІ Антидискриминационный центр АДЦ 'Мемориал' Prava-BY.info Беларускі Праўны Партал Межрегиональная правозащитная группа - Воронеж/Черноземье
Московская Хельсинкская группа
Молодежное Правозащитное Движение
amnesty international