Суд спыніў справу Андрэя Кашэўскага са Смалявічаў

2009 2009-08-31T17:05:00+0300 1970-01-01T03:00:00+0300 be

У судзе Смалявіцкага раёну адбыўся разгляд адміністрацыйнай справы ў дачыненні да жыхара Смалявічаў Андрэя Кашэўскага, якога перасьледвалі за вывешванне на даху ўласнай хаты бел-чырвона-белага сцягу. Пачатак судовага разгляду па абвінавачанню ў дробным хуліганстве па арт. 17.1 КаАП адбыўся 17 жніўня. Суддзя пастанавіў перанесьці паседжанне і выклікаць позваю ў суд бацьку.

Спачатку да маладога чалавека прыйшлі прадстаўнікі райвыканкаму і папрасілі зняць сцяг, таму што ён “псуе архітэктурны выгляд гораду”. Затым хату наведалі супрацоўнікі міліцыі, самастойна знялі і знішчылі сцяг. Пратакол адабрання ніхто не складаў, затое быў складзены пратакол пра дробнае хуліганства, у якім паказана, што Андрэй Кашэўскі нецэнзурна выказваўся.

Сёння ў судзе Смалявіцкага раёну суддзя Алена Міснік разглядзела адміністратыўную справу ў дачыненні да маладога чалавека.

У якасці сведкі была апытаная маці Андрэя Кашэўскага Валянціна Антонаўна. Назіральнікі БХК, якія прысутнічалі на паседжанні, адзначаюць: суддзя растлумачыла сведцы толькі права не сведчыць супраць сябе самой і членаў сваёй сям’і (пры тым, што сведка мае значна больш правоў). У той самы час адметна і тое, што, растлумачваючы Валянціне Антонаўне гэта яе права, суддзя спаслалася на артыкул 27 Канстытуцыі.

Па выніках разгляду справы суддзя вынесла пастанову аб спыненні адміністратыўнай вытворчасці ў дачыненні да Андрэя Кашэўскага ў сувязі з адсутнасцю складу адміністратыўнага правапарушэння.

Апошнія навіны

слухаць Радыё рацыя Міжнародная федэрацыя правоў чалавека Беларуская Інтэрнэт-Бібліятэка КАМУНІКАТ Грамадзкі вэб-архіў ВЫТОКІ Антидискриминационный центр АДЦ 'Мемориал' Prava-BY.info Беларускі Праўны Партал Межрегиональная правозащитная группа - Воронеж/Черноземье
Московская Хельсинкская группа
Молодежное Правозащитное Движение
amnesty international