Ціск на адміністратара пратэстанцкай царквы “Новаё жыцьцё” працягваецца

2005 2005-10-06T10:00:00+0300 1970-01-01T03:00:00+0300 be Праваабарончы цэнтр «ВЯСНА» Праваабарончы цэнтр «ВЯСНА»
Праваабарончы цэнтр «ВЯСНА»

У Маскоўскім судзе Менску другі раз запар судзяць адміністратара пратэстанцкай царквы “Новае жыцьцё” Васіля Юрэвіча. Яго абвінавачваюць у правядзеньні набажэнства, на якое не было дазволу ўладаў. Вернікі абураныя дзеяньнямі ўладаў, якія не дазваляюць ім зьбірацца разам, каб паслухаць прамову пастара. Царкве пагражае ліквідацыя. Ужо зачынілі дзьве пратэстанцкія суполкі — кальвіністаў, пастар якой — Леанід Ліпень, і “Беларускую эвангельскую царкву”, дзе пастарам Эрнэст Сабіла.

Васіль Юрэвіч прыйшоў 5 кастрычніка на суд разам з двума дзясяткамі вернікаў. Спадара Юрэвіча абвінавачваюць у правядзеньні набажэнства 4 верасьня — менавіта ў той дзень вернікі чакалі ля будынку царквы старшыню Менгарвыканкаму Міхаіла Паўлава. Яны запрашалі яго да сябе, каб вырашыць пытаньне наконт царкоўнага будынку.

Судзьдзя Надзея Рэўцкая дапытала Васіля Юрэвіча, а вось складальнікі пратаколу на суд не прыйшлі. Наагул, высьветлілася, што пратакол складаўся адным чалавекам у будынку міліцыі, а рапартаў супрацоўнікаў міліцыі, якія б зафіксавалі склад правапарушэньня, няма. Васіль Юрэвіч упэўнены, што самі міліцыянты не ініцыявалі адміністрацыйнай справы. Ён лічыць, што яны выконваюць загад.

Далейшае судовае разьбіраньне прызначана на 7 кастрычніка. Вернікі царквы “Новае жыцьцё” паведамілі Радыё Свабода, што да пачатку новага паседжаньня пададуць скаргу ў пракуратуру на дзеяньні міліцыянтаў.

Паводле двух папярэдніх прысудаў Васіль Юрэвіч мусіць заплаціць дзяржаве каля 4000 даляраў за тое, што вернікі зьбіраліся на набажэнствы.

Апошнія навіны

слухаць Радыё рацыя Міжнародная федэрацыя правоў чалавека Беларуская Інтэрнэт-Бібліятэка КАМУНІКАТ Грамадзкі вэб-архіў ВЫТОКІ Антидискриминационный центр АДЦ 'Мемориал' Prava-BY.info Беларускі Праўны Партал Межрегиональная правозащитная группа - Воронеж/Черноземье
Московская Хельсинкская группа
Молодежное Правозащитное Движение
amnesty international