Суд не задаволіў скаргу Арцёма Дубскага
Судовага калегія Магілёўскага абласнога суду сёньня адмовілася задаволіць касацыйную скаргу Арцёма Дубскага на прысуд і зьмяніць яму меру пакараньня.
Нагадаем, 7 ліпеня Асіповіцкі раённы суд пакараў актывіста незарэгістраванай арганізацыі “Малады фронт” годам зьняволеньня за парушэньне правілаў адбыцьця пакараньня ў “справе 14-ці”.
Сёньня судовага калегія Магілёўскага абласнога суду разглядала касацыйную скаргу актывіста Маладога фронту Арцёма Дубскага. Сам Арцём у залі не прысутнічаў. У судзе працавала здымачная група БТ.
Адвакатка Тамара Сідарэнка прасіла зьмяніць пакараньне на ўмоўнае і прымяніць у дачыненьні да Арцёма Дубскага амністыю. Дзяржаўны абвінаваўца Багамолаў заклікаў суд пакінуць прысуд бязь зьменаў.
Падтрымаць Дубскага прыйшло пад 20 чалавек. Сярод іх: маці зьняволенага Алена Дубская, моладзевыя лідэры Артур Фінькевіч і Зьміцер Дашкевіч.
Будынак суду звонку і ўнутры ахоўваўлі болей за 10 мілінцянтаў.
