Наста Палажанка не зрабіла нічога супрацьпраўнага

2009 2009-08-19T13:09:09+0300 1970-01-01T03:00:00+0300 be http://spring96.org/files/images/sources/111.jpg

Адміністрацыйная справа, заведзеная на Насту Палажанку па факце распаўсюджаньня буклетаў на нацыянальную тэматыку, спыненая.

Намесьніца старшыні "Маладога Фронту" Наста Палажанка атрымала ліст зь Валожынскага раённага адзьдзела міліцыі з паведамленьнем пра спыненьне адміністрацыйнай справы за распаўсюд буклетаў, прысьвечаных нацыянальным сымбалям Беларусі - бел-чырвона-беламу сьцягу й гербу "Пагоня".

У лісьце за подпісам падпалкоўніка Якутовіча В.Р. паведамляцца, што зьмест буклетаў не супярэчыць заканадаўству Беларусі, а таму справаводства па гэтым факце спынена.

"Ня думаю, што гэта праява нейкіх зьменаў ці дэмакратычных пераўтварэньняў у краіне, хутчэй - гэта проста ў нечым самастойна прынятае рашэньне раённай міліцыі, на якую ня ціснулі "зьверху". У той жа час такое рашэньне - гэта стымул для моладзі, прыклад таго, што ня трэба баяцца распаўсюджваць матэрыялы, у якіх не ўтрымліваецца нічога кепскага", - мяркуе Наста Палажанка.

Нагадаем, некалькі тыднў назад актывістка МФ Наста Палажанка была затрымана каталіцкімі дружыньнікамі й міліцыянтамі падчас малітоўнай сустрэчы ў Івянцы за распаўсюд буклетаў на нацыянальную тэматыку. На дзяўчыну быў складзены адміністрацыйны пратакол. Гісторыя вакол гэтага затрыманьня атрымала вялікі рэзананс у СМІ.

 

Апошнія навіны

слухаць Радыё рацыя Міжнародная федэрацыя правоў чалавека Беларуская Інтэрнэт-Бібліятэка КАМУНІКАТ Грамадзкі вэб-архіў ВЫТОКІ Антидискриминационный центр АДЦ 'Мемориал' Prava-BY.info Беларускі Праўны Партал Межрегиональная правозащитная группа - Воронеж/Черноземье
Московская Хельсинкская группа
Молодежное Правозащитное Движение
amnesty international