Іван Шыла: Варта адрозьніваць прызыў і ізаляцыю чалавека

2009 2009-08-15T14:07:20+0300 1970-01-01T03:00:00+0300 be http://spring96.org/files/images/sources/shyla01.jpg

Іван Шыла знаходзіцца ў адпачынку дома ў Салігорску. Франак Вячорка дагэтуль пазбаўлены звальненьня. Яго салдацкі адпачынак скарацілі да 5 сутак. Адпачынак Зьмітра Хведарука адкладзены на нявызначаны тэрмін.

Іван Шыла паведаміў  "Свабодзе", што за той час, што прабыў дома, зразумеў, што ўжо адаптаваўся да войска.

“Я прыехаў і ўбачыў, што ўсё на сваіх месцах. Ад службы адвыкаеш за дзень. Жыцьцё працягваецца. Гэта дае нейкі аптымізм на тое, што й праз год я вярнуся і ўсё будзе на сваіх месцах. Адаптаваўся, хутчэй, да войска”.

Ён праглядзеў інтэрнэт-сайты і наконт выказваньняў на форумах, аб тым, што апазыцыянэры насамрэч ня хочуць служыць у войску, адказаў наступнае:

“Па-першае, варта адрозьніваць прызыў у войска і прызыў з парушэньнямі сьвядомымі, якія маюць на мэце ізаляваць чалавека. Калі разглядаць сытуацыю ў такім кантэксьце, што Хведарук вучыўся ва ўнівэрсытэце, а мяне з Франкам выключылі з вучобы.

Па-другое, так, мы кантактуем са сродкамі масавай інфармацыі. Называць рэчы сваімі імёнамі гэта нармальна. Калі ў войску мэдыцына нікога ня лечыць, а чалавека без мэдычнай камісіі туды прызвалі і ён пакутуе, тым больш, што не прыйшоў туды губляць сваё здароўе дзеля нечых меркаваньняў, то, калі ён зьвяртаецца да мэдыкаў – гэта нармальна, гэта цывілізавана.

Адпачынак Івана Шылы скончыцца 16 жніўня.

 

***

Паплечнік Івана Шылы маладафронтавец Зьміцер Хведарук пакуль пазбаўлены адпачынку. Ягоная маці Ірына Хведарук высьвятляла прычыну.

“Высьветлілася, што ў яго абмежаваньне пасьля лекаваньня. Яго цяпер у адпачынак ня пусьцяць, бо трэба праз тры месяцы пасьля таго, як апошні раз быў у шпіталі, прайсьці нейкае асьведчаньне”.

 

***

Вінцук Вячорка апавёў, што яго сына Франка дагэтуль не пускаюць у звальненьне на выходныя. Але яго больш непакоіць стан здароўя сына:

“Цягам папярэдніх двух месяцаў яму штодня мералі ціск па загадзе падпалкоўніка і маёра, якія прыяжджалі зь Менску. Цяпер яны зноў прыяжджалі да фэльчаркі. Забралі зьвесткі пра ягоны ціск і цяпер яна яму штодня ціск мераць не абавязана.

Франак зьвяртаецца, каб памераць ціск, а ягоныя просьбы цяпер нават не ўносяць у журнал. Мне трывожна, бо зьнікла ягоная мэдычная картка з усімі запісамі.

Франак падаў рапарт правесьці паўнавартаснае мэдычнае абсьледаваньне. Цяпер чакаем адказу на гэта. Ён знаходзіцца пад пільным кантролем і наглядам, але не ў тым сэнсе, што нехта дбае пра ягонае здароўе”.

Апошнія навіны

слухаць Радыё рацыя Міжнародная федэрацыя правоў чалавека Беларуская Інтэрнэт-Бібліятэка КАМУНІКАТ Грамадзкі вэб-архіў ВЫТОКІ Антидискриминационный центр АДЦ 'Мемориал' Prava-BY.info Беларускі Праўны Партал Межрегиональная правозащитная группа - Воронеж/Черноземье
Московская Хельсинкская группа
Молодежное Правозащитное Движение
amnesty international