Штраф за бел-чырвона-белы сцяг

2009 2009-08-12T11:02:16+0300 1970-01-01T03:00:00+0300 be http://spring96.org/files/images/sources/sud3.jpg Праваабарончы цэнтр «ВЯСНА» Праваабарончы цэнтр «ВЯСНА»
Праваабарончы цэнтр «ВЯСНА»

Суд Чыгуначнага раёна Віцебску аштрафаваў актывіста «Маладой Беларусі» Тараса Сургана.

 

Моладзевага актывіста аштрафавалі за тое, што 16 ліпеня, у Дзень салідарнасці, ён спрабаваў вывесіць бел-чырвона-белы сцяг на мосце праз Заходнюю Дзвіну. Як паведамляе «Радыё Свабода», Тарасу Сургану вынеслі штраф у памеры 5 базавых велічыняў (175 тысячаў беларускіх рублёў).

 

Суддзя Чыгуначнага райсуда Уладзіслаў Шырокаў кіраваўся міліцэйскім пратаколам, складзеным на моладзевага актывіста. У пратаколе было напісана, што Тарас Сурган праводзіў несанкцыянаваны пікет.

 

З такой фармулёўкай падсудны не пагадзіўся: у судзе ён заявіў, што свой учынак пікетам не лічыць, але здзейсніў яго асэнсавана.

 

«Я хацеў звярнуць увагу людзей на нашую гісторыю, якую некаторыя імкнуцца забыць і нават знішчыць, -- сказаў апазіцыянер. -- Каб яны ўзгадалі, што тая старая камуністычная сімволіка, якая зараз з'яўляецца дзяржаўнай, ні да чаго добрага краіну не прыводзіла і не прывядзе. Я хацеў, каб людзі на ўсё гэта звярнулі ўвагу і не былі абывацелямі».

 

Актывіст яшчэ адной арганізацыі - «Маладой Грамады» - Валеры Раманенка таксама быў выкліканы ў Чыгуначны райсуд Віцебску па пратаколе, складзеным супрацоўнікамі міліцыі 16 ліпеня. У пратаколе напісана, што Раманенка мае дачыненне да з'яўлення на мосце праз Дзвіну расцяжкі са словамі «Свабоду палітвязням!»

 

Валеры Раманенка заявіў у судзе, што яго затрымалі, калі ён праходзіў каля плаката, і таму сваю віну не прызнае. Аднак суддзя Уладзіслаў Шырокаў усё роўна вынес актывісту адміністрацыйнае папярэджанне.

 

Разам з Тарасам Сурганам і Валерыем Раманенкам 16 ліпеня ў Віцебску таксама былі затрыманыя Кацярына Аляксеева і Філіп Шаўроў.

Апошнія навіны

слухаць Радыё рацыя Міжнародная федэрацыя правоў чалавека Беларуская Інтэрнэт-Бібліятэка КАМУНІКАТ Грамадзкі вэб-архіў ВЫТОКІ Антидискриминационный центр АДЦ 'Мемориал' Prava-BY.info Беларускі Праўны Партал Межрегиональная правозащитная группа - Воронеж/Черноземье
Московская Хельсинкская группа
Молодежное Правозащитное Движение
amnesty international