Жодзінскія міліцыянты абяцаліся правесці экспертызу друкаваных матэрыялаў БХД
5 жніўня, пасля ператрусу, Паўла Красоўскага даставілі ў жодзінскі РАУС, дзе склалі пратакол адміністратыўнага затрымання. У яго ўзялі пісьмовае тлумачэнне свайго дачынення да кватэры, дзе праводзіўся ператрус, а таксама да матэрыялаў, што былі знойдзеныя на кватэры.
Сярод канфіскаваных матэрыялаў – відэакасеты, CD, DVD, газэты “Крыніца” і “Прамень”, бюлетэні і буклеты БХД, кнігі “Пакаяньне”, праваабарончая і экалагічная літаратура.
Парад тым як адпусціць актывіста, супрацоўнікі МУС паабяцалі правесці экспертызу канфіскаваных матэрыялаў, і, пры неабходнасці, выклікаць спадара Красоўскага пазовам.
