АБСЕ: наступныя выбары прэзідэнта Беларусі павінны быць свабоднымі

2009 2009-08-04T15:25:30+0300 1970-01-01T03:00:00+0300 be http://spring96.org/files/images/sources/bdipch.jpg Праваабарончы цэнтр «ВЯСНА» Праваабарончы цэнтр «ВЯСНА»
Праваабарончы цэнтр «ВЯСНА»

Беларускія дэмакраты сустрэліся ў Варшаве з прадстаўнікамі Бюро па дэмакратычных інстытутах і правах чалавека АБСЕ.

 

Ад БДІПЧ у сустрэчы прымалі ўдзел Конрад Альшэўскі, намеснік кіраўніка дэпартамента, і Мадс Ліндберг, які займаецца праблемамі Беларусі; Беларусь прадстаўлялі старшыня Аб'яднанай грамадзянскай партыі Анатоль Лябедзька і сакратар ЦК Партыі камуністаў Алена Скрыган. Гаворка на сустрэчы ішла пра змену выбарчага заканадаўства Беларусі.

 

«БДІПЧ мае намер зыходзіць з выніковага дакумента па ацэнцы «выбараў у палату прадстаўнікоў» і з прапановаў, зробленых АДС па ўдасканаленні выбарчага заканадаўства, – распавёў Анатоль Лябедзька. – У сваім дакуменце, які быў перададзены ў нацыянальны цэнтр заканадаўства пры «палаце прадстаўнікоў» яшчэ ў лютым, БДІПЧ пералічыла сем умоваў, якім павінна адпавядаць дэмакратычнае заканадаўства. Гэта, у прыватнасці, фарміраванне выбарчых камісіяў з прадстаўнікоў розных палітычных сілаў, права назіральнікаў пералічваць бюлетэні, адсутнасць усялякіх бар'ераў для перадвыбарчай агітацыі, жорсткі кантроль над папярэднім галасаваннем».

 

У БДІПЧ спадзяваліся, што беларускія ўлады сфармулююць сваю пазіцыю да летніх вакацыяў – але з лютага яны гэтага не зрабілі.

 

Прадстаўнікі БДІПЧ запэўнілі, што калі рэкамендацыі не будуць улічаныя ці «будуць чыста касметычнымі, пункцірнымі», дык эксперты БДІПЧ АБСЕ і Венецыянскай камісіі дадуць законапраекту ўладаў негатыўныя ацэнкі.

 

«Мы лічым правільным гэты падыход», – адзначыў А.Лябедзька.

 

Нагадаем, што 27 траўня кіраўнік менскага Офіса АБСЕ Ханс-Ёган Шміт заявіў старшыні Аб'яднанай грамадзянскай партыі Анатолю Лябедзьку, што Бюро па дэмакратычных інстытутах і правах чалавека (БДІПЧ) АБСЕ не будзе разглядаць прапановы па змене Выбарчага кодэкса Беларусі, падрыхтаваныя экспертамі і ўзгодненыя суб'ектамі дэмакратычнай кааліцыі.

 

Нядаўна амбасадар Ханс-Ёган Шміт даў інтэрв'ю агенцтву БелаПАН, што таксама выклікала шквал крытыкі ў адрас дыпламата. У прыватнасці, амбасадар Шміт заявіў, што не лічыць праблему захавання правоў чалавека прыярытэтам, у той час як на адкрыцці сесіі ПА АБСЕ прэзідэнт Літвы Валдас Адамкус зазначыў, што менавіта захаванне правоў чалавека з'яўляецца галоўным каталізатарам зменаў у краінах былога Савецкага Саюза і ў цэлым ва Усходняй Еўропе.

Апошнія навіны

слухаць Радыё рацыя Міжнародная федэрацыя правоў чалавека Беларуская Інтэрнэт-Бібліятэка КАМУНІКАТ Грамадзкі вэб-архіў ВЫТОКІ Антидискриминационный центр АДЦ 'Мемориал' Prava-BY.info Беларускі Праўны Партал Межрегиональная правозащитная группа - Воронеж/Черноземье
Московская Хельсинкская группа
Молодежное Правозащитное Движение
amnesty international