Факты моўнай дыскрымінацыі ваеннаслужачага Вячоркі разгледзіць ваенная пракуратура
Зварот праваабаронцаў па фактах моўнай дыскрымінацыі ваеннаслужачага Франака Вячоркі будзе разглядаць Беларуская ваенная пракуратура. Пра гэта прадстаўнікам ПЦ “Вясна” ў афіцыйным лісце паведаміў прадстаўнік Генеральнай пракуратуры, начальнік аддзелу па наглядзе за выкананнем заканадаўства ў войску і на транспарце саветнік юстыцыі А. А. Бязуглы.
27 ліпеня праваабаронцы Алесь Бяляцкі, Валянцін Стэфановіч і Уладзімір Лабковіч звярнуліся да Міністра абароны Рэспублікі Беларусь Леаніда Мальцава і Генеральнага пракурора Рэспублікі Беларусь Рыгора Васілевіча з патрабаваннем спыніць незаконны пераслед і ціск на ваенаслужачага Ф. Вячорку ды іншых беларускамоўных служачых ў сувязі з выкарыстаннем імі беларускай мовы пры праходжанні вайсковай службы.
Генпракуратура абавязала ваеннага пракурора паведаміць пра вынікі разгляду зварота яго аўтарам.
