КДБ працягвае пераслед «маладафронтаўцаў”
Днямі супрацоўнікі Камітэту дзяржбясьпекі наведалі маці актывісткі Валі Лясновай, сяброўкі "Маладога Фронту".
"Днём маёй маці патэлефанавалі з працы і папрасілі падыйсьці - маўляў, прыйшлі міліцыянты і хочуць перамовіць па нейкай справе. Як пазьней высьвятлілася, гэта былі супрацоўнікі КДБ", - распавядае Валя.
Як кажа Валя, яе маці адмовілася распавядаць сутнасьць размовы, але папрасіла дачку часова прыніць актыўную маладафронтаўскую дзейнасьць.
На думку дзяўчыны, супрацоўнікі КДБ пагражалі жанчыне праблемамі на працы, а таксама на вучобе ў дачкі.
