У Шклове цікавіліся, ці існуе “Белсат”

2009 2009-07-28T11:57:22+0300 1970-01-01T03:00:00+0300 be http://spring96.org/files/images/sources/zhurnalist_g_sudnik.jpg
Г.Суднік, фота baj.by

Г.Суднік, фота baj.by

Галоўны інжынэр шклоўскага заводу газэтнай паперы вінаваціць магілёўскага журналіста Генадзя Судніка ў распаўсюджваньні непраўдзівых зьвестак пра стан яго прадпрыемства.

 

Абставіны высьвятляе Шклоўская раённая пракуратура. Сёньня Генадзь Суднік даваў тлумачэньні яе сьледчаму.

 

У пракуратуру журналіста выклікалі позвай. Гутарка доўжылася каля гадзіны. Скаргу галоўнага інжынэра Генадзь Суднік называе правакацыяй.

 

“У ёй напісана, што менавіта я яму тэлефанаваў, назваўся карэспандэнтам каналу “Белсат” і нібыта доўга распытваў яго пра стан прадпрыемства, а потым гэтая гутарка зьявілася ў інтэрнэце. Я сказаў сьледчаму, што на гэтае прадпрыемства не тэлефанаваў і ня ведаю ніякага галоўнага інжынэра”.

 

Сьледчы паведаміў Генадзю Судніку, што шклоўская пракуратура рабіла запыт у абласную ўправу ідэалягічнай працы, ці насамрэч існуе такі канал — “Белсат”. Ідэолягі паведамілі, што канал такі існуе, але ня мае акрэдытацыі ў Беларусі. На Магілёўшчыне няма яго акрэдытаваных карэспандэнтаў.

 

Ці будуць яшчэ Судніка выклікаць у Шклоў, сьледчы пракуратуры не сказаў.

Апошнія навіны

слухаць Радыё рацыя Міжнародная федэрацыя правоў чалавека Беларуская Інтэрнэт-Бібліятэка КАМУНІКАТ Грамадзкі вэб-архіў ВЫТОКІ Антидискриминационный центр АДЦ 'Мемориал' Prava-BY.info Беларускі Праўны Партал Межрегиональная правозащитная группа - Воронеж/Черноземье
Московская Хельсинкская группа
Молодежное Правозащитное Движение
amnesty international