Праваабарончы цэнтр «ВЯСНА»

Маладафронтавец Арцём Дубскі спыніў галадоўку супраць дзеяньняў супрацоўнікаў бабруйскага сьледчага ізалятара.

7 ліпеня Арцёма пакаралі годам зьняволеньня за парушэньне правілаў адбыцьця пакараньня ў “справе 14-ці”.

17 ліпеня супрацоўнікі СІЗА запатрабавалі, каб Арцём напісаў заяву з просьбай перавесьці яго адбываць пакараньне ў папраўчую калёнію. Пасьля адмовы хлопцу адмовілі ў мэдычнай дапамозе, забралі рэчы і пагоршылі ўмовы ўтрыманьня. На знак пратэсту Арцём Дубскі распачаў галадоўку.

Ён паведаміў маці, што стаўленьне да яго зьмянілася да лепшага і спыніў галадоўку.