Магілёў: кошты за арэнду падняліся ў 10 разоў, але не для ўсіх

08.07.2009. Тэгі: грамадскія арганізацыі, перасьлед.

Магілёўскія ўлады адмянілі ільготны каэфіцыент для ставак арэндных плацяжоў офісаў праваабарончых арганізацый “Магілёўскі праваабарончы цэнтр”, рэгіянальнага аддзялення Беларускага Хельсінскага камітэта, а таксама гарадскога дабрачыннага грамадскага аб’яднання “Отклик”.

Сёння ў разлікова-касавым цэнтры праваабаронцам патлумачылі, што арэнднаяя палата для іх паднялася ў 10 разоў, хаця некаторыя грамадскія арганізацыі Магілёва і дагэтуль маюць істотныя льготы. Для гэтага было дастаткова напісаць адпаведны ліст, аднак ня ўсім арганізацыям пра такую магчымасьць паведамілі.

Зараз, па словах праваабаронцы Барыса Бухеля, будуць вывучацца магчымасьці знайсці хоць нейкі катух з юрыдычным адрасам, паколькі новую арэндную плату грамадскія арганізацыі ўносіць проста ня змогуць.