Спецслужбы вялі “Правы альянс” з Мінска да Крупак

2009 2009-07-07T11:46:25+0300 1970-01-01T03:00:00+0300 be http://spring96.org/files/images/sources/karetnikau.jpg

Спроба зарэгістраванай у Мінску грамадскай арганізацыі “Правы альянс” па-свойму адзначыць гадавіну вызвалення сталіцы ад нямецка-фашысцкіх захопнікаў ператварылася ў дэтэктыўную гісторыю.

 

Паводле слоў лідэра “Правага альянсу” Юрася Карэтнікава, каля 15 чалавек выехалі ў Крупскі раён, але яшчэ па дарозе за імі пачалі сачыць людзі ў цывільным. Спачатку летнік праходзіў спакойна, а пасля ў лагеры з'явіўся старшыня крупскага лясгаса, за ім маёр міліцыі Крупскага РУЎС. Міліцыянт перапісаў звесткі ўсіх маладзёнаў пад маркай вышуку злачынцы. Пазней яны вярнуліся. Вось што распавядае Юрась Карэтнікаў:

 

“Парачка адвяла мяне і яшчэ аднаго арганізатара ў бок і ў прыватнай гутарцы сказала: хлопцы, пастаўлена задача любой цаной скавырнуць вас адсюль. Калі вы зараз добраахвотна не з'едзеце, то ноччу супраць вас будзе ўчынена правакацыя”.

 

Нібыта, на месца прыехалі “сілавікі” і з Мінска, Віцебска і Барысава. Сябры “Правага альянсу” вярнуліся ў сталіцу. Цяпер Юрась Карэтнікаў не выключае наступстваў для студэнтаў і служачых дзяржструктур, якія прысутнічалі ў летніку. Іхнія звесткі былі перапісаныя і ёсць у базе спецслужбаў.

Апошнія навіны

слухаць Радыё рацыя Міжнародная федэрацыя правоў чалавека Беларуская Інтэрнэт-Бібліятэка КАМУНІКАТ Грамадзкі вэб-архіў ВЫТОКІ Антидискриминационный центр АДЦ 'Мемориал' Prava-BY.info Беларускі Праўны Партал Межрегиональная правозащитная группа - Воронеж/Черноземье
Московская Хельсинкская группа
Молодежное Правозащитное Движение
amnesty international