Маніторынг выкананьня беларускімі ўладамі прапановаў эўрапейскіх структураў у сфэры нармалізацыі стану няўрадавых арганізацыяў і свабоды асацыяцыяў
Падрыхтавана Асамблеяй няўрадавых дэмакратычных арганізацыяў Беларусі
Пэрыяд маніторынгу: 25.03.2009 - 24.06.2009
(прамежкавая справаздача №3)
У пэрыяд маніторынгу зафіксавана значнае пагаршэньне сытуацыі з рэгістрацыяй новых гра-мадзкіх аб'яднаньняў: агульная колькасьць новазарэгістраваных арганізацыяў зьменшылася ў параўнаньні з папярэднімі гадамі, а шэрагу вядомым незарэгістраваным грамадзкім арганізацыям і дзьвюм партыям было адмоўлена ў рэгістрацыі на нязначных альбо сумнеўных падставах. Парлямант прыступіў да разгляду законапраекту, які скіраваны на яшчэ большае пагаршэньне ўмоваў рэгістрацыі грамадзкіх аб'яднаньняў і палітычных партыяў праз пашырэньне магчымых падставаў для адмовы ў рэгістрацыі. Структуры грамадзянскай супольнасьці як і раней маюць складанасьці з арэндай памяшканьняў для штодзённай дзейнасьці альбо правядзеньня асобных мерапрыемстваў. У траўні 2009 году быў упершыню з красавіка 2008 года вынесены абвінаваўчы прысуд паводле артыкулу 193,1 за дзейнасьць у складзе незарэгістраванага грамадзкага аб'яднаньня.
