Судовая сістэма гатова да ўвядзення мараторыю на смяротнае пакаранне

2009 2009-06-25T14:28:55+0300 1970-01-01T03:00:00+0300 be http://spring96.org/files/images/sources/sukalo_300.jpg

Судовая сістэма Беларусі гатова да ўвядзення мараторыю на смяротнае пакаранне, заявіў журналістам 25 чэрвеня старшыня Вярхоўнага суда Валянцін Сукала.

 

«Калі ў Канстытуцыі Беларусі гэты выключны від пакарання пазначаны як часовы, то гэта норма непазбежна пацягне за сабой яе адмену», — дадаў ён.

 

Сукала таксама выказаў меркаванне, што мараторый на смяротнае пакаранне можа стаць свайго роду прамежкавым этапам да яе адмены.

 

Гэтую меру ён лічыць цалкам рэальнай і абгрунтаванай.

 

Пры гэтым кіраўнік Вярхоўнага суда нагадаў, што ў Беларусі дзейнічае яшчэ адзін выключны від пакарання — пажыццёвае зняволенне. «Па сваім цяжары і суровасці яно мала чым уступае смяротнаму пакаранне», — падкрэсліў ён.

 

У апошнія гады, прадоўжыў Сукала, смяротнае пакаранне ў Беларусі ўжываецца вельмі рэдка, «таму ніякіх перашкод з пункта гледжання судовай сістэмы няма».

 

Валянцін Сукала таксама расказаў, што цяпер смяротнае пакаранне захоўваецца ў заканадаўстве 59 краін, але фактычна ўжываецца толькі ў 25 дзяржавах. «Гэта значыць, па сутнасці, 24 краіны вытрымліваюць мараторый, і я думаю, што гэтыя крокі апраўданыя», — адзначыў ён, падкрэсліўшы, што рашэнне гэтага пытання знаходзіцца ў кампетэнцыі кіраўніка дзяржавы.

 

Старшыня Вярхоўнага суда дапускае, што такое рашэнне можа быць неадназначна ўспрынята ў грамадстве.

 

«Асобы, якія пацярпелі ад такіх цяжкіх злачынстваў, відавочна, будуць прытрымлівацца іншай пазіцыі. Але калі такое рашэнне будзе прынята, то яно будзе для судовай сістэмы абавязковым», — заявіў Сукала.

 

Ён таксама прызнаў, што пры вынясенні судамі рашэнняў магчымы памылкі.

 

«Нават самая дасканалая судовая сістэма не можа выключыць судовыя памылкі», — падкрэсліў Сукала.

 

Паводле Вярхоўнага суда, у 2008 годзе да пажыццёвага зняволення ў Беларусі было прыгаворана сем чалавек, а да смяротнага пакаранне — два. Усяго ў свеце ў 2008 годзе да смяротнай кары былі прыгавораны 1 тыс. 300 чалавек.

 

Нагадаем, 23 чэрвеня Парламенцкая асамблея Рады Еўропы прыняла рашэнне, у адпаведнасці з якім статус спецыяльнага запрошанага ў ПАРЕ будзе вернуты беларускаму парламенту толькі пасля ўвядзення ў Беларусі мараторыя на смяротную кару.

 

Падчас усебеларускага рэферэндуму 1996 года большасць грамадзян выказаліся супраць адмены смяротнага пакаранне.

Апошнія навіны

слухаць Радыё рацыя Міжнародная федэрацыя правоў чалавека Беларуская Інтэрнэт-Бібліятэка КАМУНІКАТ Грамадзкі вэб-архіў ВЫТОКІ Антидискриминационный центр АДЦ 'Мемориал' Prava-BY.info Беларускі Праўны Партал Межрегиональная правозащитная группа - Воронеж/Черноземье
Московская Хельсинкская группа
Молодежное Правозащитное Движение
amnesty international