Праваабаронцы цалкам падтрымліваюць рашэнне ПАРЕ па Беларусі

2009 2009-06-23T19:15:00+0300 1970-01-01T03:00:00+0300 be http://spring96.org/files/images/sources/stefanovich7.jpg Праваабарончы цэнтр «ВЯСНА» Праваабарончы цэнтр «ВЯСНА»
Праваабарончы цэнтр «ВЯСНА»

Статус спецыяльна запрошанага ў ПАРЕ парламенту Беларусі вернуць толькі пасля ўвядзення мараторыя на смяротнае пакаранне. Такое рашэнне 23 чэрвеня было прынятае на сесіі ПАРЕ ў Страсбургу. Як заявіў прадстаўнік ПЦ “Вясна” Валянцін Стэфановіч, праваабаронцы цалкам падтрымліваюць дадзеную прапанову.

 

- Мы станоўча ацэньваем рашэнне, прынятае сёння на сесіі ПАРЕ. Аднаўленне статуса спецыяльна запрошанага ў Радзе Еўропы не мусіць быць падарункам для беларускіх ўладаў. Улады Беларусі павінны зрабіць яшчэ пэўныя крокі ў накірунку дэмакратызацыі у краіне, каб атрымаць такі статус, - сказаў В.Стэфановіч.

 

Праваабаронца адзначыў, што, хаця статус спецзапрошанага не прадугледжвае наяўнасці мараторыя на смяротнае пакаранне (паколькі не вядзецца гаворка пра паўнавартаснае сяброўства ў Радзе Еўропы), патрабаванне Асамблеі цалкам адэкватнае.

 

- Мы цалкам падтрымліваем дадзеную прапанову і лічам, што ўвядзенне мараторыя на смяротнае пакаранне было б адпаведным крокам для таго, каб парламенту Беларусі аднавіць такі статус, - сказаў праваабаронца.

Нагадаем, што ў 1993 годзе Беларусь ўжо атрымлівала статус спецыяльна запрошанай у ПАРЕ. Аднак пасля  рэферэндуму 1996 г., вынікі якога не былі прызнаныя дэмакратычным светам, краіна была пазбаўленая гэтага статусу.

 

Апошнія навіны

слухаць Радыё рацыя Міжнародная федэрацыя правоў чалавека Беларуская Інтэрнэт-Бібліятэка КАМУНІКАТ Грамадзкі вэб-архіў ВЫТОКІ Антидискриминационный центр АДЦ 'Мемориал' Prava-BY.info Беларускі Праўны Партал Межрегиональная правозащитная группа - Воронеж/Черноземье
Московская Хельсинкская группа
Молодежное Правозащитное Движение
amnesty international