РУУС Цэнтральнага раёна Менска лічыць неабгрунтаванымі прэтэнзіі прадстаўніка Партыі БНФ да яго затрымання

2009 2009-06-16T19:44:02+0300 1970-01-01T03:00:00+0300 be

РУУС Цэнтральнага раёну Менску лічыць неабгрунтаванымі прэтэнзіі намесьніка старшыні Менскай гарадзкой арганізацыі Партыі БНФ Вадзіма Канапацкага да яго затрыманьня супрацоўнікамі міліцыі.

7 траўня, в 10-ю гадавіну зьнікненьня былога міністра ўнутраных спраў Юрыя Захаранкі, у Менску было затрымана каля 30 удзельнікаў акцыі апазыцыі, якая праходзіла на Кастрычніцкай плошчы. Некалькі чалавек міліцыя затрымала да пачатку акцыі, у тым ліку В.Канапацкага.

"Мне патлумачылі, што я затрыманы з мэтай высьвятленьня асобы, хаця пры мне быў пашпарт грамадзяніна Рэспублікі Беларусь. Я патрабаваў прадставіцца і назваць сапраўдныя прычыны майго затрыманьня, але супрацоўнікі міліцыі, якія былі ў цывільнай вопратцы, не прадставіліся і паводзілі сябе груба", — сказаў прадстаўнік Партыі БНФ.

Прычыну затрыманьня ён ня змог высьвятліць і ў РУУС Цэнтральнага раёну. "Замест гэтага мне сталі пагражаць складаньнем пратаколу аб адміністрацыйным парушэньні, нецэнзурна лаяліся, бяз згоды зьнялі на відэакамэру", — паведаміў В.Канапацкі.

Ён лічыць дзеяньні супрацоўнікаў міліцыі незаконнымі, груба парушаючымі яго правы і законныя інтарэсы.

Спачатку пракуратура Цэнтральнага раёну Менску адмовілася разглядаць скаргу апазыцыянэра, перанакіраваўшы яе ў РУУС, аднак пасьля паўторнай скаргі палітыка гарадзкая пракуратура абавязала раённую правесьці праверку.

"Лістом ад 11 чэрвеня з РУУС Цэнтральнага раёну я атрымаў адказ, што факты, выкладзеныя ў маёй скарзе, не знайшлі свайго пацьверджаньня, — паведаміў В.Канапацкі. — Вядома, я мала спадзяваўся на станоўчае рашэньне ўзьнятых мной пытаньняў. Зьдзівіла інаше. Разам з адказам я атрымаў з РУУС анкету, у якой на ананімнай аснове мне прапаноўваецца адказаць на шэраг пытаньняў. Сярод іх: ці задаволеныя вы вынікамі разгляду вашай заявы; якія станоўчыя ці адмоўныя якасьці праявілі супрацоўнікі міліцыі падчас асабістай камунікацыі з вамі; што неабходна зрабіць для паляпшэньня работы міліцыі ў вашым раёне. Інакш чым зьдзеклівымі гэтыя пытаньні паьля незаконнага затрыманьня назваць складана".

В.Канапацкі не сумняецца, што паўторны адказ з пракуратуры Цэнтральнага раёну Менску прадублюе адказ з РУУС.

Апошнія навіны

слухаць Радыё рацыя Міжнародная федэрацыя правоў чалавека Беларуская Інтэрнэт-Бібліятэка КАМУНІКАТ Грамадзкі вэб-архіў ВЫТОКІ Антидискриминационный центр АДЦ 'Мемориал' Prava-BY.info Беларускі Праўны Партал Межрегиональная правозащитная группа - Воронеж/Черноземье
Московская Хельсинкская группа
Молодежное Правозащитное Движение
amnesty international