Андрэя Пачобута папярэдзіў пракурор

2009 2009-06-09T13:51:42+0300 1970-01-01T03:00:00+0300 be http://spring96.org/files/images/sources/pachobut.jpg
Андрэй Пачобут, публіцыст і блогер, уласны карэспандэнт выдання Gazeta Wyborcza

Андрэй Пачобут, публіцыст і блогер, уласны карэспандэнт выдання Gazeta Wyborcza

Сябра апальнага Саюза палякаў у Беларусі, журналіста Андрэя Пачобута выклікалі ў пракуратуру Гарадзенскай вобласці. Яму зачыталі афіцыйнае папярэджанне аб недапушчэнні парушэння заканадаўства Беларусі. Пачобута папярэдзілі аб тым, што ён не мае права прадстаўляцца старшынёй Галоўнай Рады «Саюза палякаў у Беларусі», а таксама афіцыйна забаранілі карыстацца сімволікай СПБ.

Нагодай для папярэджання стаў ліст з Генпракуратуры, куды прадстаўнікі арганізацыі звярнуліся ў сувязі з паказаным па БТ сюжэтам, прысвечаным правядзенню VII з’езда Саюза палякаў. У сюжэце сцвярджалася, што дэлегаты з'езду называлі палякаў вышэйшай расай. Той зварот у якасці старшыні Галоўнай Рады «Саюза палякаў на Беларусі» падпісаў А. Пачобут:

- Генеральная пракуратура яна не захацела ўжо разглядаць нашую скаргу, яе не цікавіць тое, што беларускае дзяржаўнае тэлебачанне распальвае міжнацыянальную варожасць, яе цікавіць наш Саюз палякаў і тое, што мы нелегальныя. Ніякага ўплыву на дзейнасць арганізацыі і маю дзейнасць гэтае папярэджанне мець не будзе, аб чым я праінфармаваў пракурора, які мне зачытваў вось гэтае папярэджанне.

Андрэй Пачобут лічыць, што ўлады раздражняе актыўнасць іх арганізацыі напярэдадні правядзення з'езда праўрадавага Саюза палякаў.

Апошнія навіны

слухаць Радыё рацыя Міжнародная федэрацыя правоў чалавека Беларуская Інтэрнэт-Бібліятэка КАМУНІКАТ Грамадзкі вэб-архіў ВЫТОКІ Антидискриминационный центр АДЦ 'Мемориал' Prava-BY.info Беларускі Праўны Партал Межрегиональная правозащитная группа - Воронеж/Черноземье
Московская Хельсинкская группа
Молодежное Правозащитное Движение
amnesty international