Праваабарончы цэнтр «ВЯСНА»

Сёння, 4 чэрвеня, актывіста Берасьцейскага Маладога Фронту Яўгена Скрабца затрымалі ля пад'езду супрацоўнікі ваенкамата і міліцыі.

Яўген Скрабец пасьпеў паведаміць сябрам, што яго ля пад'езду пільнавалі 4 чалавекі, двое зь якіх былі ў міліцэйскай форме.

Яўгена Скрабца запхнулі ў машыну і павезлі ў вабласны шпіталь на медычнае абсьледваньне. Тэлефон у яго адабралі.

Нагадаем, юнак павінен быў зьявіцца ў ваенкамаце толькі 8 чэрвеня. Падчас зімовага прызыву Яўгену Скрабцу далі адтэрміноўку на 6 месяцаў у сувязі з дыягназам “вертэбрагенная люмбаішалгія”.