Ваўкавыск: удзельнікаў ланцугу неабыякавых людзей выклікаюць у суд
Восем сябраў АГП з Горадні і Ваўкавыску былі затрыманыя 16 траўня за тое, што арганізавалі насупраць цэнтральнага рынку ў Ваўкавыску ланцуг неабыякавых людзей і трымалі ў руках партрэты Мікалая Аўтуховіча. Суд прызначаны на 8 чэрвеня.
Юры Істомін, кіраўнік абласной арганізацыі АГП, апавёў, што міліцыянты спрабавалі адразу пасьля складаньня пратаколаў уручыць затрыманым позвы ў суд. Але ўдзельнікі акцыі запратэставалі, кажучы, што гэта ўжо справа суду, а не міліцыі, і адмовіліся іх браць.
Нагадаю, што акцыя трывала 32 хвіліны. Паводле слоў Юрыя Істоміна, да іх падыходзілі многія людзі, пыталіся пра стан Мікалая Аўтуховіча. Актывісты АГП, у сваю чаргу, заклікалі мінакоў кожны месяц 16-га чысла праводзіць акцыі салідарнасьці з Аўтуховічам.
