Пінская прэса пад прэсінгам
13.09.2005.
Новая загадчыца аддзелу ідэалогіі Пінскага гарвыканкаму Валянціна Кулак пачала сваю працу з таго, што даручыла галоўнаму спецыялісту аддзелу Аляксандру Колбу асабіста патэлефанаваць кіраўнікам арганізацый і прадпрыемстваў Пінску і давесці да іх ведама інфармацыю пра абавязковую падпіску на газету "Советская Белоруссия". Агітацыі на карысць іншых газет не было.Як паведамляе служба маніторынгу БАЖ, між тым, з продажу праз сетку грамадскіх распаўсюднікаў канчаткова знікла адзіная ў горадзе недзяржаўная газета "Мясцовы час": ім забараняюць яе прадаваць, у адваротным выпадку пагражаючы "праблемамі". Каб данесці сваё выданне да чытачоў, рэдакцыя прапанавала ім падпісацца на газету. Аднак, паколькі паштары адмаўляюцца супрацоўнічаць з выданнем, журналісты "Мясцовага часу" ў дзень выхаду штотыднёвіка вымушаныя дастаўляць яго падпісчыкам уласнымі сіламі.
Дадаць камэнтар
Вы павінны зарэгістравацца альбо ўвайсьці ў сыстэму , каб мець магчымасьць пакідаць камэнтары
Камэнтары
Камэнтароў да гэтага артыкулу няма
