Арыштаваны былы ўдзельнік апошніх парламенцкіх выбараў Андрэй Бандарэнка

2009 2009-05-27T13:56:39+0300 1970-01-01T03:00:00+0300 be http://spring96.org/files/images/sources/bandarenka.jpg
Андрэй Бандарэнка

Андрэй Бандарэнка

Былы ўдзельнік апошніх парламенцкіх выбараў Андрэй Бандарэнка быў арыштаваны напрыканцы мінулага тыдня.

Непрыемнасці для саўладальніка камерцыйнай фірмы з Менску Андрэя Бандарэнкі пачаліся, калі ён вырашыў узяць удзел у парламенцкіх выбарах увосень 2008 года. Пры падтрымцы Аб'яднанай грамадзянскай партыі амбітны бізнесовец балатаваўся на Магілёўшчыне і згодна падлікам сваіх назіральнікаў атрымаў перамогу ўжо ў першым туры. Але ўлада не толькі не пусціла Бандарэнку ў Парламент, але і пачала ціснуць на ягоны бізнес.

У выніку Андрэй Бандарэнка вымушаны быў з'ехаць за мяжу, дзе пражыў апошнія два месяцы. Туга па сям'і і дачцы - немаўляці вымусілі палітэмігранта вярнуцца ў Менск, дзе ён і быў арыштаваны напрыканцы мінулага тыдня.

Сябра Палітрады АГП Аляксандр Дабравольскі лічыць арышт Андрэя Бандарэнкі палітычна матываваным.

Да цяперашняга моманту калегі Андрэя Бандарэнкі не ведаюць ні акалічнасцей ягонага арышту, ні месца яго ўтрымання.

Апошнія навіны

слухаць Радыё рацыя Міжнародная федэрацыя правоў чалавека Беларуская Інтэрнэт-Бібліятэка КАМУНІКАТ Грамадзкі вэб-архіў ВЫТОКІ Антидискриминационный центр АДЦ 'Мемориал' Prava-BY.info Беларускі Праўны Партал Межрегиональная правозащитная группа - Воронеж/Черноземье
Московская Хельсинкская группа
Молодежное Правозащитное Движение
amnesty international