Перагляд справы аб прызнанні шэрагу публікацый у «ARCHE» экстрэмісцкімі прызначаны на 28 траўня

2009 2009-05-26T11:08:56+0300 1970-01-01T03:00:00+0300 be http://spring96.org/files/images/sources/arche1.jpg

Пра гэта паведаміў у гутарцы з прэс-службай БАЖ адвакат з боку адказчыка Павел Сапелка. (Нагадаем, 7 траўня касацыйная інстанцыя — судовая калегія па грамадзянскіх справах Брэсцкага абласнога суда — вярнула справу на перагляд).

 

Паўторнае слуханне справы аб прызнанні № 7–8 часопіса «ARCHE-Пачатак» «экстрэмісцкімі матэрыяламі» па заяве ўпраўлення КДБ па Брэсцкай вобласці прызначана на 14-ю гадзіну. Справу будзе разглядаць суд Маскоўскага раёна г. Брэста.

 

Паколькі працэс распачынаецца «з нуля», пытанне пра тое, будзе ён адкрытым ці закрытым, мусіць быць таксама разгледжана наноў.

 

Між тым, КДБ па-ранейшаму настойвае на сваёй пазіцыі і даводзіць, што ў часопісе «ARCHE» ўтрымліваюцца звесткі, якія «дыскрэдытуюць дзейнасць органаў улады і кіравання Рэспублікі Беларусь». Брэсцкае ўпраўленне КДБ падрыхтавала пярэчанні на касацыйную скаргу адказчыка.

 

Публікацыі ў «ARCHE» «…ўзмацняюць сацыяльна-палітычную напружанасць і супрацьстаянне ў грамадстве, стымулююць дзеянні, накіраваныя на арганізацыю і ажыццяўленне масавых беспарадкаў, і тым самым ствараюць пагрозу Рэспублікі Беларусь у палітычнай сферы», — сцвярджаецца ў лісце начальніка УКДБ па Брэсцкай вобласці Леаніда Дзядкова ад 5 траўня.

 

«Да таго ж, — сцвярджае палкоўнік Дзядкоў, — дадзеная інфармацыйная прадукцыя прапагандуе дзеянні, накіраваныя на распальванне сацыяльнай варожасці па матывах палітычнай і ідэалагічнай варажнечы».

Апошнія навіны

слухаць Радыё рацыя Міжнародная федэрацыя правоў чалавека Беларуская Інтэрнэт-Бібліятэка КАМУНІКАТ Грамадзкі вэб-архіў ВЫТОКІ Антидискриминационный центр АДЦ 'Мемориал' Prava-BY.info Беларускі Праўны Партал Межрегиональная правозащитная группа - Воронеж/Черноземье
Московская Хельсинкская группа
Молодежное Правозащитное Движение
amnesty international