28 студзеня Вярхоўны суд Рэспублікі Беларусь не задаволіў іск Таварыства Беларускай мовы да Міністэрства юстыцыі.

Міністэрства юстыцыі вынесла папярэджаньне Таварыству Беларускай мовы.

Папярэджаньне, вынесенае Таварыству Беларускай мовы складаецца з некалькіх пунктаў. Адзін з якіх тычыцца, устанаўленьня мемарыяльнага Крыжа пакуты ў вёсцы Беліца Лідскага раёну (крыж прысьвечаны прадстаўнікам лідскай шляхты, загінуўшым ў 17-ым стагоддзі). Гэты крыж быў ўсталяваныя з дазволу мясцовага сельсавету.

Але ў Міністэрстве юстыцыі палічылі, што Таварыства Беларускай мовы не мела правы на ўстанаўленьне Крыжа пакуты. Апрача таго Таварыству Беларускай мовы ставілася ў віну тое, што падчас правядзеньня месячніка беларускай мовы ў сваёй рэкламнай прадукцыі не выкарыстоўвалася поўная назва арганізацыі. Гэта абвінавачньне не мае падставаў, бо на бланках рэкламнай прадукцыі знаходзілася вялікая эмблема з сімволікай Таварыства Беларускай мовы і назвай арганізацыі ў адпаведнасьці са Статутам.

На дадзены момант Таварыства Беларускай мовы мае два папярэджаньні Міністэрства юстыцыі.