Суд над Тамарай Шчапёткінай працягнецца 29 траўня

2009 2009-05-21T10:49:05+0300 1970-01-01T03:00:00+0300 be http://spring96.org/files/images/sources/szczapetkina.jpg
фота racyja.com

фота racyja.com

Яе затрымалі на акцыі “Сьвечка памяці”, якая ладзілася 26 красавіка ў райцэнтры Бяроза да чарговай гадавіны аварыі на Чарнобыльскай АЭС.

 

Судовае паседжаньне перанесена на 29 траўня. Суд пагадзіўся з патрабаваньнем Тамары Шчапёткінай выклікаць міліцыянтаў, якія затрымлівалі журналістку.

 

Тамара Шчапёткіна заявіла “Свабодзе”, што ўжо восьмы год бярозаўскія грамадзкія актывісты праводзяць акцыю “Сьвечка памяці”:

 

“Людзі прыйшлі самі. Яны ўжо прывыклі. Ніхто іх ня кліча. Я як незалежны журналіст асьвятляла гэтую падзею. Мне сказалі: скажыце ўсім, хай разыдуцца. А я якое дачыненьне маю, калі я людзей не прывяла? Потым я чакала, пакуль усе сыдуць з плошчы, бо меркавала, што могуць быць затрыманьні людзей. Але ня думала, што можа быць затрыманьне толькі мяне адной”.

 

У чым абвінавачваюць Тамару Шчапёткіну?

 

“Яны прад’яўляюць артыкул 23.34, частка першая — парушэньне правапарадку падчас правядзеньня масавых мерапрыемстваў. Капітан Аполька доўга, з паўгадзіны шукаў па адміністрацыйным кодэксе, што ж знайсьці такое, бо я правапарадку не парушала”, — адказвае Тамара Шчапёткіна.

 

Галоўны матыў затрыманьня, паводле яе, наступны:

 

“Яны хочуць запалохаць. Выконваючы свае журналісцкія абавязкі, я аказваю дапамогу, разьбіраючы некія сытуацыі. Я ня бачу крыміналу. Ня бачу ў гадзіне жалобы ніякай акцыі. Гэта свавольства ўладаў, якія ня любяць, каб успаміналі пра Чарнобыль у квітнеючай Беларусі”, — камэнтуе Тамара Шчапёткіна.

 

Берасьцейскі праваабаронца Раман Кісьлюк з нагоды затрыманьня Тамары Шчапёткінай выказвае такія меркаваньні:

 

“Я расцэньваю яе затрыманьне як парушэньне яе права на свабоднае выражэньне сваіх поглядаў. Яна была адзінай затрыманай. І гэта наводзіць на думку, што яе прыцягнулі як актыўную журналістку”.

Апошнія навіны

слухаць Радыё рацыя Міжнародная федэрацыя правоў чалавека Беларуская Інтэрнэт-Бібліятэка КАМУНІКАТ Грамадзкі вэб-архіў ВЫТОКІ Антидискриминационный центр АДЦ 'Мемориал' Prava-BY.info Беларускі Праўны Партал Межрегиональная правозащитная группа - Воронеж/Черноземье
Московская Хельсинкская группа
Молодежное Правозащитное Движение
amnesty international