Беларусь можа разгледзець пытанне аб увядзенні мараторыя на пакаранне смерцю

2009 2009-05-20T16:47:06+0300 1970-01-01T03:00:00+0300 be http://spring96.org/files/images/sources/smert.jpg

Беларусь можа разгледзець пытанне аб увядзенні мараторыя на пакаранне смерцю, лічыць намеснік старшыні камісіі па правах чалаевка, нацыянальных адносінах і сродках масавай інфармацыі Палаты прадстаўнікоў Анатоль Глаз. Пра гэта ён заявіў 20 мая на прэс-канферэнцыі ў Менску.

 

Паводле яго слоў, цяпер "можна прапрацаваць заканадаўчыя асновы па ўвядзенні мараторыя на пакаранне смерцю".

 

Глаз падкрэсліў, што станоўчае вырашэнне пытання з увядзеннем мараторыя дазволіць "лягчэй наладжваць" дыялог з дзяржавамі Еўропы.

 

Як паведамляў БелаПАН, 15 красавіка 2009 года ПАСЕ заклікала Беларусь неадкладна ўвесці мараторый на пакаранне смерцю. Беларусь застаецца адзінай краінай у Еўропе, дзе выносяцца і прыводзяцца ў выкананне смяротныя прысуды. А пасля адмены пакарання смерцю Узбекістанам (1 студзеня 2008 года) Беларусь засталася апошняй дзяржавай на постсавецкай прасторы, якая прымяняе гэты від пакарання, паведамляе БелаПАН

Апошнія навіны

Партнёрства

Сяброўства