КДБ спрабуе схіліць маладафронтаўку да супрацы

2009 2009-05-18T10:56:38+0300 1970-01-01T03:00:00+0300 be http://spring96.org/files/images/sources/kgbrb.jpg

Днямі на факультэт журналістыкі БДУ, дзе навучаецца актывістка Маладога Фронту Надзея Пекарская, прыйшлі супрацоўнікі КДБ.

 

“Камітэтчыкі” праз дэканат выклікалі першакурсьніцу-маладафронтаўку на размову, якая цягнулася прыкладна паўтары гадзіны.

 

“Увесь гэты час супрацоўнікі Камітэту дзяржбясьпекі спрабавалі схіліць мяне да супрацы зь імі: прапаноўвалі паведамляць інфармацыю пра дзейнасьць Маладога Фронту, а ў абмен абяцалі, што дапамогуць мне вырашыць усе праблемы, працаўладкуюць пасьля сканчэньня ўнівэрсытэту і г.д”, - распавядае Надзея.

 

Імя аднаго з наведнікаў – Юры Салаўёў.

 

Акрамя таго, у пятніцу дзяўчыну выклікаў да сябе дэкан факультэта С.В. Дубовік.

 

“Дэкану прыйшоў ліст зь міліцыі, у якім паведамлялася аб маім затрыманьні падчас акцыі 7 траўня”, - кажа Надзея Пекарская. – “Калі дэкан папрасіў патлумачыць гэта ліст і я адказала, што мая дзейнасьці па-за ўнівэрсытэтам яго ня тычыцца, ён сказаў, што я сябрую ня з тымі людзьмі і пасьля наступнага затрыманьня ён будзе хадайнічаць аб маім адлічэньні з факультэта”.

Апошнія навіны

слухаць Радыё рацыя Міжнародная федэрацыя правоў чалавека Беларуская Інтэрнэт-Бібліятэка КАМУНІКАТ Грамадзкі вэб-архіў ВЫТОКІ Антидискриминационный центр АДЦ 'Мемориал' Prava-BY.info Беларускі Праўны Партал Межрегиональная правозащитная группа - Воронеж/Черноземье
Московская Хельсинкская группа
Молодежное Правозащитное Движение
amnesty international