За разгалошваньне дзяржаўнай таямніцы будуць караць і цывільных

2009 2009-05-15T13:05:50+0300 1970-01-01T03:00:00+0300 be http://spring96.org/files/images/sources/dzarzh_tajamnica.jpg

Крымінальная і адміністратыўная адказнасьць будзе ўведзеная ў Беларусі для цывільных асобаў за разгалошваньне дзяржаўнай таямніцы.

Пра гэта заявіў журналістам сябра камісіі Палаты прадстаўнікоў па нацыянальнай бясьпецы Алег Кот.

Цяпер крымінальная адказнасьць за разгалошваньне дзяржаўнай таямніцы існуе для вайскоўцаў.

“Цяпер мы таксама ўводзім адміністратыўную адказнасьць і для цывільных асобаў, калі ўцечка інфармацыі, якая ёсьць дзяржтаямніцай, адбылася празь неасьцярожнасьць”, — сказаў А.Кот.

Паводле дэпутата, неасьцярожнасьць можа азначаць пакінутыя без нагляду дакумэнты, у якіх утрымліваецца інфармацыя зь дзяржаўнай таямніцай.

“Напрыклад, чалавек згубіў флэш-карту, дыскету, забыўся недзе партфэль з дакумэнтамі ці вынес за межы рэжымнага аб'екту паперы з сакрэтнай інфармацыяй”, — сказаў А.Кот.

Адміністратыўная адказнасьць за гэтае правапарушэньне будзе прадугледжваць штраф ад 4 да 20 базавых велічыняў залежна ад важнасьці згубленай празь неасьцярожнасьць інфармацыі.

Праверкай і дазнаньнем па фактах разгалошваньня дзяржаўнай таямніцы празь неасьцярожнасьць будзе займацца КДБ.

Адной з прычынаў неабходнасьці ўважліва ахоўваць дакумэнты дэпутат назваў будучае будаўніцтва АЭС.

Апошнія навіны

слухаць Радыё рацыя Міжнародная федэрацыя правоў чалавека Беларуская Інтэрнэт-Бібліятэка КАМУНІКАТ Грамадзкі вэб-архіў ВЫТОКІ Антидискриминационный центр АДЦ 'Мемориал' Prava-BY.info Беларускі Праўны Партал Межрегиональная правозащитная группа - Воронеж/Черноземье
Московская Хельсинкская группа
Молодежное Правозащитное Движение
amnesty international