Менгарвыканкам не адказвае на просьбу ПКБ выдзеліць памяшканне для з'езда

2009 2009-05-15T11:34:55+0300 1970-01-01T03:00:00+0300 be http://spring96.org/files/images/sources/flag_pkb.jpg

Менгарвыканкам зацягвае з адказам на просьбу Партыі камуністаў Беларускай (ПКБ) аб выдзяленні памяшкання для правядзення з'езда, паведаміў сакратар цэнтральнага камітэта партыі Валерый Ухналёў. Паводле яго слоў, дакумент у Менгарвыканкам з просьбай аб выдзяленні памяшкання накіроўваўся 12 красавіка.

"Адказ павінен быў прыйсці на працягу месяца, — сказаў В.Ухналёў. — Гэты тэрмін ужо прайшоў. Звычайная практыка Менгарвыканкама — зацягваць з адказам. Гэта асабліва непрыемна, бо 16 мая пройдзе пленум ЦК ПКБ, дзе будуць падводзіцца вынікі па дакументах, што выносяцца на абмеркаванне з'езда".

Пазачарговы з'езд ПКБ павінен прайсці 23 і 24 мая ў Менску. Галоўнай тэмай будзе рэфармаванне партыі.

Як паведаміў В.Ухналёў, цяпер з гэтай мэтай створаны тры партыйныя камісіі. "Я ўзначальваю групу па выпрацоўцы зменаў у статут партыі. Лідэр ПКБ Сяргей Калякін распрацоўвае праект пазіцыі па пытаннях эканамічнага крызісу. Сакратар ПКБ Алена Скрыган рыхтуе пакет прапаноў для з'езда па змене назвы партыі", — зазначыў палітык.

Як раней паведаміла БелаПАН А.Скрыган, прапанаваны "дзесяткі варыянтаў" новай назвы партыі. Паводле яе слоў, у асноўным яны ўключаюць у сябе словы "сацыяльная справядлівасць", "праца", "працоўныя".

15 мая прадстаўнікі ПКБ маюць намер наведаць Менгарвыканкам, каб даведацца пра адказ на просьбу аб выдзяленні памяшкання для з'езда, паведамляе БелаПАН.

Апошнія навіны

слухаць Радыё рацыя Міжнародная федэрацыя правоў чалавека Беларуская Інтэрнэт-Бібліятэка КАМУНІКАТ Грамадзкі вэб-архіў ВЫТОКІ Антидискриминационный центр АДЦ 'Мемориал' Prava-BY.info Беларускі Праўны Партал Межрегиональная правозащитная группа - Воронеж/Черноземье
Московская Хельсинкская группа
Молодежное Правозащитное Движение
amnesty international