Суд не задаволіў скаргу страйкоўца Расюка

2009 2009-05-12T18:31:57+0300 1970-01-01T03:00:00+0300 be http://spring96.org/files/images/sources/rasiuk.jpg
Мікалай Расюк

Мікалай Расюк

Сёньня Кастрычніцкі суд Магілёва не задаволіў скаргу актывіста Свабоднага прафсаюзу Беларускага, працаўніка акцыянэрнага таварыства “Лаўсанбуд” Мікалая Расюка.

Нагодай для звароту ў суд стаўся перавод актывіста на працу з Магілёва на аб’ект у Чавускі раён у вёску Дужаўка.

Вырак суду Мікалай Расюк і яго прадстаўнік на судзе, юрыст Свабоднага прафсаюзу Беларускага Сяргей Фамін лічаць неабгрунтаваным і будуць яго абскарджваць.

“Судзьдзя Тацяна Карапецян абгрунтавала сваё рашэньне спэцыфікай будаўнічай галіны. Паводле яе, будаўнічыя аб’екты могуць разьмяшчацца ў розных раёнах вобласьці й кіраўніцтва само прымае рашэньне аб перасоўваньні сваіх працаўнікоў у залежнасьці ад вытворчай патрэбы. У такім разе любыя праявы беззаконьня можна сьпісаць на спэцыфіку. У заканадаўстве не прапісана ні пра якую спэцыфіку. Няма згадак пра яе і ў працоўнай дамове Расюка з наймальнікам”, — так камэнтуе вырак суду Сяргей Фамін.

Акрамя скасаваньня загаду, Мікалай Расюк дамагаўся праз суд, каб адміністрацыя прадпрыемства залічвала ў працоўны час праезд да месца працы, а час, перапрацаваны дагэтуль, быў кампэнсаваны выхаднымі днямі.

Перавод з Магілёва ў Чавускі раён Мікалай Расюк зьвязвае зь леташняй лістападаўскай акцыяй пратэсту працаўнікоў будаўнічай управы № 129 “Лаўсанбуду”. 28 лістапада ён стаў ініцыятарам гадзіннага страйку, нагодай для якога сталася затрымка заробку. Праз два дні пасьля забастоўкі, першага сьнежня, Расюка азнаёмілі з загадам аб пераводзе на іншы аб’ект.

Апошнія навіны

слухаць Радыё рацыя Міжнародная федэрацыя правоў чалавека Беларуская Інтэрнэт-Бібліятэка КАМУНІКАТ Грамадзкі вэб-архіў ВЫТОКІ Антидискриминационный центр АДЦ 'Мемориал' Prava-BY.info Беларускі Праўны Партал Межрегиональная правозащитная группа - Воронеж/Черноземье
Московская Хельсинкская группа
Молодежное Правозащитное Движение
amnesty international