Учора ў Менску затрымалі 30 ўдзельнікаў акцыі, прысвечанай памяці Захаранкі

2009 2009-05-08T09:32:20+0300 1970-01-01T03:00:00+0300 be http://spring96.org/files/images/sources/ls_7_traunia.jpg

Паводле ўдакладненых звестак, у Менску затрымана каля 30 удзельнікаў акцыі з нагоды 10-годдзя знікнення Юрыя Захаранкі, што прайшла вечарам 7 траўня на Кастрычніцкай плошчы.

«Затрыманыя былі дастаўлены ў Цэнтральны РУУС. Потым іх адпускалі без складання пратаколаў», — паведаміла БелаПАН намеснік старшыні зарэгістраванай у Чэхіі арганізацыі «Малады фронт» Наста Палажанка. Паводле яе слоў, некаторыя актывісты згаджаюцца падпісаць паперу, дзе іх папярэджваюць аб незаконнасці ўдзелу ў несанкцыянаваных акцыях. Тыя, каго няма ў дактыласкапічнай базе МУС, робяць адбіткі пальцаў.

Перад пачаткам акцыі быў затрыманы старшыня Аб’яднанай грамадзянскай партыі Анатоль Лябедзька. Сваё затрыманне ён назваў «адкрытай палітычнай шызафрэніяй».

У акцыі, якая праходзіла на Кастрычніцкай плошчы з 18.00 да 18.35, удзельнічала каля 150 чалавек, у тым ліку апазіцыйныя палітыкі Мікалай Статкевіч, Вінцук Вячорка, Андрэй Саннікаў, Дзмітрый Бандарэнка, Артур Фінькевіч, Сяргей Скрабец.

Акцыя была прысвечаная памяці былога міністра ўнутраных спраў Юрыя Захаранкі, які прапаў без вестак 7 мая 1999 года. Яе ўдзельнікі сталі ланцужком уздоўж праспекта Незалежнасці з бел‑чырвона‑белымі сцягамі, партрэтамі Ю.Захаранкі і затрыманага прадпрымальніка з Ваўкавыска Мікалая Аўтуховіча, які знаходзіцца ў следчым ізалятары па вуліцы Валадарскага і абвясціў галадоўку пратэсту. Удзельнікі акцыі скандзіравалі лозунгі «Жыве Беларусь!», «Свабода!», «Свабоду палітвязням!».

Насупраць іх, таксама ланцугом, сталі байцы міліцэйскага спецназа. Яны не давалі ўдзельнікам акцыі набліжацца да прыдарожнай часткі.

 

Апошнія навіны

слухаць Радыё рацыя Міжнародная федэрацыя правоў чалавека Беларуская Інтэрнэт-Бібліятэка КАМУНІКАТ Грамадзкі вэб-архіў ВЫТОКІ Антидискриминационный центр АДЦ 'Мемориал' Prava-BY.info Беларускі Праўны Партал Межрегиональная правозащитная группа - Воронеж/Черноземье
Московская Хельсинкская группа
Молодежное Правозащитное Движение
amnesty international