У Празе - саміт Усходняга партнёрства

2009 2009-05-07T11:22:05+0300 1970-01-01T03:00:00+0300 be http://spring96.org/files/images/sources/ushod_partner.jpg

Саміт краін-удзельніц новай праграмы Еўрасаюза "Усходняе партнёрства" адбудзецца сёння ў Празе. Беларусь на ім будуць прадстаўляць першы віцэ-прэм'ер Уладзімір Сямашка і міністр замежных спраў Сяргей Мартынаў.

 

"Усходняе партнёрства" — польска-шведская ініцыятыва, ухваленая ЕС у чэрвені 2008 года. Яна прадугледжвае ўдзел 27 краін Еўрасаюза і шасці постсавецкіх дзяржаў: Азербайджана, Арменіі, Беларусі, Грузіі, Малдовы і Украіны.

 

У праекце дэкларацыі, якую плануецца прыняць па выніках пражскага саміта, выказана ўпэўненасць у тым, што Усходняе партнёрства "будзе працаваць на карысць дэмакратычных каштоўнасцей, умацавання стабільнасці і працвітання, прынясе ўстойлівыя і адчувальныя перавагі грамадзянам усіх краін-удзельніц".

 

Адзначаецца, што новая праграма ЕС заснавана на фундаментальных каштоўнасцях — дэмакратыі, вяршэнстве закона, павазе да правоў і свабод, прынцыпах міжнароднага права, рыначнай эканомікі, устойлівага развіцця і дзяржкіравання.

 

Асноўная мэта Усходняга партнёрства — "стварэнне ўмоў для паскарэння палітычнай асацыяцыі і эканамічнай інтэграцыі ўсходніх партнёраў і ЕС".

 

Для пашырэння двухбаковых адносінаў з краінамі — удзельніцамі ініцыятывы ЕС плануе распрацоўваць пагадненні і праграмы, накіраваныя на стварэнне зон свабоднага гандлю, аблягчэнне візавых умоў, умацаванне энергетычнай бяспекі.

 

У галіне шматбаковага супрацоўніцтва прадугледжаны чатыры тэматычныя платформы: дэмакратызацыя, эканамічная інтэграцыя, энергетычная бяспека, кантакты паміж людзьмі.

 

Дакумент ухваляе ідэю стварэння парламенцкай асамблеі Усходняга партнёрства ("Еўрагняздо") і Форуму грамадзянскай супольнасці.

 

Удзельнікі саміта плануюць звярнуцца да Еўрапейскага інвестыцыйнага банка, Еўрапейскага банка рэканструкцыі і развіцця, іншых фінансавых структур з просьбай падтрымаць развіццё малога і сярэдняга бізнесу ў рамках новай праграмы ЕС.

 

23 красавіка на прэс-канферэнцыі ў Бруселі камісар па знешняй палітыцы ЕС Беніта Ферэра-Вальднер заявіла, што Беларусь зможа ўдзельнічаць толькі ў шматбаковых праектах у рамках Усходняга партнёрства, паколькі двухбаковай часткі пакуль не існуе.

 

Пры гэтым еўракамісар нагадала, што "Беларусь сама выказала жаданне збліжацца з ЕС". "Мы адкрытыя і спадзяемся на прагрэс, што мы надалей зможам супрацоўнічаць з уладамі Беларусі", — падкрэсліла яна.

 

Паводле слоў Ферэра-Вальднер, ЕС узаемадзейнічае з беларускімі НДА і СМІ. З афіцыйным Мінскам Еўракамісія пачала кансультацыі ў асобных сферах, такіх як транспарт, энергетыка, змена клімату.

 

Прапанова для Беларусі аб паўнацэнным членстве ў Еўрапейскай палітыцы добрасуседства "застаецца адкрытай, але для гэтага неабходна выканаць пэўныя ўмовы", зазначыла еўракамісар.

 

У кастрычніку 2008 года ЕС назваў пяць умоў у якасці асновы нармалізацыі адносінаў з Беларуссю. Гэта — рэформа выбарчага заканадаўства, забеспячэнне свабоды аб'яднанняў, стварэнне ўмоў для дзейнасці НДА, свабода прэсы, зняцце абмежаванняў для свабоды асобы, паведамляе БелаПАН.

 

 

 

Апошнія навіны

слухаць Радыё рацыя Міжнародная федэрацыя правоў чалавека Беларуская Інтэрнэт-Бібліятэка КАМУНІКАТ Грамадзкі вэб-архіў ВЫТОКІ Антидискриминационный центр АДЦ 'Мемориал' Prava-BY.info Беларускі Праўны Партал Межрегиональная правозащитная группа - Воронеж/Черноземье
Московская Хельсинкская группа
Молодежное Правозащитное Движение
amnesty international