Актывісты Саюзу палякаў паскардзіліся ў суд

2009 2009-04-21T15:31:00+0300 1970-01-01T03:00:00+0300 be http://spring96.org/files/images/sources/pisalnik.jpg

Сёньня калегія Гарадзенскага абласнога суду разгледзела скаргі прэс-сакратара незарэгістраванага Саюзу палякаў Ігара Банцара і кіраўніка гарадзкой арганізацыі Саюзу ў Горадні Мечыслава Яскевіча.

Яны лічаць неправамерным тое, што Ленінскі раённы суд гораду аштрафаваў іх за ўдзел у несанкцыянаваным мітынгу, хоць яны не атрымлівалі позвы і не прысутнічалі на паседжаньні. Калегія абласнога суду пакінула рашэньне ў сіле. Паводле яго, І.Банцар і М.Яскевіч павінны заплаціць штраф: кожны — па 525 тысяч рублёў.

Адвакат Ігар Сазановіч зазначыў пасьля калегіі, што яны па-ранейшаму лічаць рашэньне суду Ленінскага раёну адносна Банцара і Яскевіча незаконным. Апроч таго, было дапушчана грубае парушэньне іхніх правоў пры разглядзе спраў, аднак нішто з гэтага не было ўзята пад увагу абласным судом, зазначыў адвакат.

Апошнія навіны

слухаць Радыё рацыя Міжнародная федэрацыя правоў чалавека Беларуская Інтэрнэт-Бібліятэка КАМУНІКАТ Грамадзкі вэб-архіў ВЫТОКІ Антидискриминационный центр АДЦ 'Мемориал' Prava-BY.info Беларускі Праўны Партал Межрегиональная правозащитная группа - Воронеж/Черноземье
Московская Хельсинкская группа
Молодежное Правозащитное Движение
amnesty international