Астравецкія чыноўнікі не дазваляюць абмяркоўваць АЭС

2009 2009-04-20T10:47:09+0300 1970-01-01T03:00:00+0300 be http://spring96.org/files/images/sources/aes_astravec1.jpg
фота vialejka.org

фота vialejka.org

Астравецкі райвыканкам адмовіў актывістам грамадзянскай ініцыятывы “Астравецкая атамная – гэта злачынства” прадставіць памяшканьне ў мясцовым кінатэатры для абмеркаваньня мэтазгоднасьці будаўніцтва АЭС.


На сход плянавалі запрасіць беларускіх навукоўцаў, а таксама навукоўцаў з Расеі і Літвы, прадстаўнікоў СМІ і органаў мясцовай улады.

Пад заявай паставілі подпісы шэсьць актывістаў, а копіі накіравалі ў Адміністрацыю прэзыдэнта, Гарадзенскі аблвыканкам і амбасады Расеі й Літвы.

 

Са слоў Івана Крука, некаторым падпісантам пагражалі з райвыканкаму, маўляў, калі яшчэ паставіш подпіс пад падобнай заяўкай - згубіш працу.

На пачатку месяца актывісты грамадзянскай ініцыятывы накіравалі на адрас старшыні Гарадзенскага аблвыканкама, Адміністрацыі прэзыдэнта скаргу, у якой гаворыцца пра тое, што Астравецкія ўлады ўжо неаднаразова парушалі іх канстытуцыйныя правы.

У прыватнасьці, яны нагадваюць аб неаднаразовай забароне правядзеньня пікетаў і сходаў грамадзян з тым, каб празрыста й усенародна абмеркаваць мэтазгоднасьць будаўніцтва АЭС у іх раёне. Дагэтуль ніякага адказу не атрымалі.

 

 

Апошнія навіны

слухаць Радыё рацыя Міжнародная федэрацыя правоў чалавека Беларуская Інтэрнэт-Бібліятэка КАМУНІКАТ Грамадзкі вэб-архіў ВЫТОКІ Антидискриминационный центр АДЦ 'Мемориал' Prava-BY.info Беларускі Праўны Партал Межрегиональная правозащитная группа - Воронеж/Черноземье
Московская Хельсинкская группа
Молодежное Правозащитное Движение
amnesty international