У Менгарвыканкаму свой “Чарнобыльскі шлях”

2009 2009-04-17T14:00:09+0300 1970-01-01T03:00:00+0300 be http://spring96.org/files/images/sources/charnobylski_shliah.jpg

Улады Менску прапанавалі свой маршрут правядзеньня вулічнай акцыі.

 

Кіраўніку Партыі БНФ Лявону Баршчэўскаму і ягонаму намесьніку Вінцуку Вячорку ўлады гораду прапанавалі правесьці шэсьце ад будынку прэзыдыюму Нацыянальнай акадэміі навук па вуліцы Сурганава да Чарнобыльскай каплічкі на вуліцы Арлоўскай.

 

Баршчэўскі не пагадзіўся з такім варыянтам. “Фактычна, мы ня здолеем правесьці людзей па гэтаму маршруту, бо там зараз усё раскапана, вялікія яміны, і мы ня зможам у гэтым выпадку гарантаваць бясьпеку ўдзельнікаў шэсьця”, - заявіў палітык БелаПАНу.

 

“Калі ўлады будуць настойваць на правядзеньні акцыі паводле такога маршруту, арганізатары здымаюць з сябе ўсю адказнасьць за магчымыя наступствы”, - запэўніў Баршчэўскі.

 

Раней сябры аргкамітэту “Чарнобыльскага шляху” падалі заяўку ў Менгарвыканкам. Яны прасілі, каб гарадзкія ўлады дазволілі ўдзельнікам акцыі сабрацца каля Акадэміі навук і прайсьці ў бок плошчы Якуба Коласа, а адтуль — да Чарнобыльскай капліцы, што на вуліцы Карастаянавай.

Апошнія навіны

слухаць Радыё рацыя Міжнародная федэрацыя правоў чалавека Беларуская Інтэрнэт-Бібліятэка КАМУНІКАТ Грамадзкі вэб-архіў ВЫТОКІ Антидискриминационный центр АДЦ 'Мемориал' Prava-BY.info Беларускі Праўны Партал Межрегиональная правозащитная группа - Воронеж/Черноземье
Московская Хельсинкская группа
Молодежное Правозащитное Движение
amnesty international