Прэм’ер-міністр зямлі Брандэнбург спадзяецца на паляпшэнне ўмоваў працы СМІ ў Беларусі

2009 2009-04-07T14:25:56+0300 1970-01-01T03:00:00+0300 be http://spring96.org/files/images/sources/smi.jpg

Прэм’ер-міністр федэральнай зямлі Брандэнбург Маціяс Плацэк лічыць праблемы з дзейнасцю СМІ ў Беларусі аднымі з самых істотных для нашага грамадства. Пра гэта сп. Плацэк заявіў на прэс-канферэнцыі, якая адбылася ў панядзелак у Мінскім Міжнародным адукацыйным цэнтры імя Яханеса Раў.

 

«Я інакш уяўляю сабе шматпартыйную дэмакратыю, чым тая, што існуе ў Беларусі. Што тычыцца СМІ, можна адзначыць пэўны прагрэс у параўнанні з сітуацыяй двухгадовай даўніны. Але гэта не той узровень дэмакратыі, які я мог бы сабе пажадаць, — зазначыў Маціяс Плацэк. — Абодва гэтыя чыннікі дастаткова моцна ўплываюць і на правядзенне выбараў. Калі партыі не могуць разгарнуцца, калі медыйная супольнасць мае абмежаваную прастору для дзейнасці, то і выбары, натуральна, не могуць адбывацца свабодна, пра што пасля мінулай парламенцкай кампаніі адкрыта заявіла АБСЕ. Але і ў гэтай галіне ідзе пэўнае набліжэнне да еўрапейскіх каштоўнасцяў, і гэта таксама варта адзначыць».

 

Нямецкі палітык заявіў, што збіраецца наведаць Беларусь зноў, і выказаў спадзяванне, што да яго новага прыезду сітуацыя са свабодай масмедыя істотна палепшыцца. На яго думку, гэтаму мусіць паспрыяць удзел Беларусі ў праграме Еўразвязу «Усходняе партнёрства».

 

Прэм’ер Брандэнбургу разам з прадпрымальнікамі гэтай зямлі знаходзяцца з візітам у Беларусі 5–7 красавіка.

Апошнія навіны

слухаць Радыё рацыя Міжнародная федэрацыя правоў чалавека Беларуская Інтэрнэт-Бібліятэка КАМУНІКАТ Грамадзкі вэб-архіў ВЫТОКІ Антидискриминационный центр АДЦ 'Мемориал' Prava-BY.info Беларускі Праўны Партал Межрегиональная правозащитная группа - Воронеж/Черноземье
Московская Хельсинкская группа
Молодежное Правозащитное Движение
amnesty international