Віцебскіх актывістаў за Дзень Волі пакаралі штрафамі
Сябра КХП-БНФ Сяргей Каваленка аштрафаваны на 700 тысячаў рублёў. Ігар Базараў і Валеры Аляксандраў - на 70 тысячаў рублёў.
Судзьдзя Кастрычніцкага райсуду Віцебску Алена Казілавала пакарала іх за тое, што правялі несанкцыянаванае шэсьце.
25 сакавіка Каваленка, Базараў, Аляксандраў выйшлі на плошчу Свабоды з бел-чырвона-белымі сьцягамі.
Судзьдзя ўгледзіла ў такіх дзеяньнях парушэньне закону пра масавыя мерапрыемствы.
Сяргея Каваленку неаднойчы каралі за ўдзел у вулічных акцыях. Ігар Базараў і Валеры Аляксандраў аштрафаваныя ўпершыню.
