Сталічныя медыкі не лічаць патрэбным абследваць вайскоўца-апазіцыянера

2009 2009-03-20T13:04:11+0200 1970-01-01T03:00:00+0300 be http://spring96.org/files/images/sources/u_vojsku.jpg

Пінскі актывіст Руху "За Свабоду" быў накіраваны на абследаванне ў Мінск, аднак сталічныя вайсковыя медыкі праводзіць дасканальнае абследаванне не лічаць патрэбным.

 

Яшчэ напярэдадні прызыву ў актывіста Ігара Салаўя былі выяўленыя праблемы з сэрцам. Яго нават не хацелі браць на службу, аднак ваенны камісар настаяў, каб яго ўсё-такі забралі ў войска.

 

Днямі вайсковая частка № 15994 накіравала юнака ў Мінск для шпіталізацыі. Аднак кардыярэўматолаг Клінічнага цэнтра Міністэрства абароны, паглядзеўшы кардыяграму, палічыў, што у дасканалым абследаванні няма патрэбы. Медык выпісаў толькі рэцэпт на лекі, якія Ігар Салавей мусіць рэгулярна прымаць. Цяпер актывіст мусіць вяртацца на месца службы.

 

 Пры гэтым у вайсковай частцы да Ігара Салаўя ставяцца з большым разуменнем.

 

 – На службе ў мяне ўсё добра. Камандзіры ставяцца нармальна. Да нас прыходзяць "Наша Ніва" і "Народная Воля", якія я выпісаў. У сувязі з маімі скаргамі на сэрца, мяне вызваляюць ад некаторых нагрузак, − кажа моладзевы актывіст.

 

 

Апошнія навіны

слухаць Радыё рацыя Міжнародная федэрацыя правоў чалавека Беларуская Інтэрнэт-Бібліятэка КАМУНІКАТ Грамадзкі вэб-архіў ВЫТОКІ Антидискриминационный центр АДЦ 'Мемориал' Prava-BY.info Беларускі Праўны Партал Межрегиональная правозащитная группа - Воронеж/Черноземье
Московская Хельсинкская группа
Молодежное Правозащитное Движение
amnesty international