Вярхоўны суд зноў не падтрымаў пазоў ГА "Гарызанталь" да Мінюста

2009 2009-03-13T16:36:06+0200 1970-01-01T03:00:00+0300 be http://spring96.org/files/images/sources/viarhouny_sud_shylda.jpg

Адзін з заснавальнікаў арганізацыі Валерый Ухналеў паведаміў БелаПАН, што Вярхоўнай суд Беларусі 11 сакавіка адмовіў у задавальненні пазову сацыяльна-патрыятычнага грамадскага аб'яднання (СПГА) "Гарызанталь" да Міністэрства юстыцыі з нагоды адмовы ў рэгістрацыі.

 

Нагадаем, 9 снежня Вярхоўны суд прыняў рашэнне аб правядзенні почырказнаўчай экспертызы ў адносінах да заснавальнікаў "Гарызанталі". Па словах У.Ухналева, два подпісы былі прызнаныя сапраўднымі, адна пасля паўторнай праверкі - не.

 

"Вярхоўны суд палічыў, што з адной з абласцей на сходзе прысутнічала дзевяць, а не дзесяць заснавальнікаў. З улікам гэтага мы ўжо не можам прэтэндаваць на статут рэспубліканскага грамадскага аб'яднання", - сказаў У.Ухналеў.

 

Гэта ўжо другая спроба абскардзіць рашэнне міністэрства аб адмове ў рэгістрацыі. Першы раз Мінюст адмовіў у рэгістрацыі на падставе "непрадастаўлення графічнага афармлення структур аб'яднання, а таксама адсутнасці забеспячэння фіксаванасці сяброўства ў арганізацыі". 22 жніўня Вярхоўны суд пацвердзіў законнасць гэтага рашэння.

 

У.Ухналеў паведаміў, што актывісты арганізацыі маюць намер працягнуць дамагацца афіцыйнай рэгістрацыі "Гарызанталі". З гэтай мэтай будзе праведзены трэці ўстаноўчы з'езд аб'яднання.

У склад рады "Гарызанталі" уваходзяць прадстаўнікі ПКБ Сяргей Калякін, Аляксей Елісеяў, Алена Скрыган, Валер Ухналеў, Сяргей Вазняк, прафсаюзны актывіст Аляксандр Бухвостаў і шэраг іншых грамадскіх актывістаў.

 

 

Апошнія навіны

слухаць Радыё рацыя Міжнародная федэрацыя правоў чалавека Беларуская Інтэрнэт-Бібліятэка КАМУНІКАТ Грамадзкі вэб-архіў ВЫТОКІ Антидискриминационный центр АДЦ 'Мемориал' Prava-BY.info Беларускі Праўны Партал Межрегиональная правозащитная группа - Воронеж/Черноземье
Московская Хельсинкская группа
Молодежное Правозащитное Движение
amnesty international