Амбасада ЗША занепакоеная інцыдэнтам у Гомелі
24.08.2005.
Амбасада ЗША выказала занепакоенасьць з нагоды затрыманьня 23 жніўня ў Гомелі свайго супрацоўніка Лайла Макмілана, які зьбіраўся правесьці з гомельскімі палітычнымі актывістамі сустрэчу на прыватнай кватэры. Міліцыянты, тлумачачы свае дзеяньні правядзеньнем гарадзкой аперацыі “Нелегал”, каля 40 хвілінаў утрымлівалі амерыканскага дыплямата і яго памочніцу ў кватэры.Як паведамляецца ў афіцыйным камэнтары амбасады, факт затрыманьня дыплямата абмяркоўваецца зь беларускімі афіцыйнымі асобамі.
Агенцтву БелаПАН у Гомельскім абласным ўпраўленьні па грамадзянству і міграцыі сказалі, што апэрацыя “Нелегал” у горадзе сапраўды праводзілася, але вельмі даўно.
Дадаць камэнтар
Вы павінны зарэгістравацца альбо ўвайсьці ў сыстэму , каб мець магчымасьць пакідаць камэнтары
Камэнтары
Камэнтароў да гэтага артыкулу няма
