Чарговы штраф за беларускую мову

2009 2009-03-04T14:33:41+0200 1970-01-01T03:00:00+0300 be

Суд Цэнтральнага раёну Гомеля аштрафаваў на 525 тысячаў рублёў удзельнікаў акцыі ў падтрымку роднай мовы.

 

Судзьдзя Алена Цалкова прызнала жыхара Гомеля Андрэя Папова ўдзельнікам несанкцыянаванага мерапрыемства.

 

4 сакавіка Папоў прызнаў, што ўдзельнічаў у акцыі. Паводле словаў хлопца, ён быў упэўнены, акцыя адбываецца паводле закону. “Я пераканаўся ў сваіх здагадках, што акцыя не супярэчыць закону, калі да нас падышоў міліцыянт і папярэдзіў, каб не рабілі супрацьзаконных дзеяньняў. Але мы-та нічога не зьдзяйсьнялі”, - цытуе БелаПАН словы Папова.

 

Раней суд пакараў чатырох ўдзельнікі акцыі ў абарону беларускай мовы.

 

21 лютага ў Міжнародны дзень роднай мовы маладзёны ішлі па вуліцы Савецкай, каб ускласьці кветкі да помніка Кірылу Тураўскаму. Апрача гвазьдзікоў у руках яны трымалі лісткі паперы з надпісамі “Родная мова” са штампам па-расейску: “Запрещено”. Раты ва ўдзельнікаў акцыі былі завязаныя чырвона-зялёнымі стужкамі.

 

Міліцыянты затрымалі маладзёнаў і адвезьлі ў Цэнтральны РАУС, дзе трымалі іх амаль 6 гадзінаў. На ўсіх складзены адміністрацыйныя пратаколы за “парушэньне правілаў правядзеньня вулічных акцый” паводле ч.1, артыкула 23.34 КаАП.

Апошнія навіны

слухаць Радыё рацыя Міжнародная федэрацыя правоў чалавека Беларуская Інтэрнэт-Бібліятэка КАМУНІКАТ Грамадзкі вэб-архіў ВЫТОКІ Антидискриминационный центр АДЦ 'Мемориал' Prava-BY.info Беларускі Праўны Партал Межрегиональная правозащитная группа - Воронеж/Черноземье
Московская Хельсинкская группа
Молодежное Правозащитное Движение
amnesty international