Грамадскага актывіста Івана Крука дапыталі па факту спробы падпалу
Грамадскага актывіста з Астраўца Івана Крука супрацоўнікі міліцыі дапыталі у межах крымінальнай справы, узбуджанай па факту спробы падпалу будынка камітэту дзяржаўнага кантролю па Гарадзенскай вобласці.
Іван Крук - першы прадстаўнік апазыцыі, якога супрацоўнікі праваахоўных ворганаў дапыталі ў межах следства па справе спробы падпалу будынка абласной управы дзяржкантролю: у ноч з 6 на 7 лютага невядомыя разбілі шкло бутэлькай з невызначанай сумессю. Сам апазыцыйны дзеяч акрэслівае дзеянні міліцыянтаў правакацыйнымі і рыхтуе скаргі на імя Генеральнага пракурора і старшыні камітэту дзяржаўнай бяспекі.
Іван Крук - адзін з ініцыятараў стварэння грамадскай ініцыятывы, накіраванай на супрацьдзеянне будаўніцтва на тэрыторыі Астравецкага раёна атамнай станцыі – не выключае, што допыт – чарговая акцыя ўладаў з мэтай ажыццяўлення псіхалагічнага ціску на яго і ягоных родных.
