У Ельску ўлады сарвалі сход па вылучэньню дэлегатаў

2005 2005-08-22T10:00:00+0300 1970-01-01T03:00:00+0300 be Праваабарончы цэнтр «ВЯСНА» Праваабарончы цэнтр «ВЯСНА»
Праваабарончы цэнтр «ВЯСНА»

21 жніўня ў Ельску мясцовыя міліцыянты блакавалі дом на вуліцы Калініна, дзе павінен быў адбыцца сход па абраньні дэлегатаў на Кангрэс дэмакратычных сілаў, паведаміла радыё Свабода. Яны спынялі ўсіх, хто падыходзіў да дому. Адключана была тэлефонная сувязь.
На тры гадзіны затрымала міліцыя і кіроўцу прыватнага мікрааўтобуса Уладзімера Шыцікава, які прывёз у райцэнтр каардынатараў сходаў з Гомеля Уладзімера Кацору і Андрэя Толчына. За імі вялося вонкавае назіраньне. Маёр міліцыі Аляксей Шаўчук спрабаваў затрымаць спадароў Кацору і Толчына на рынку ў кавярні, дзе тыя спыніліся папіць мінеральнай вады. Ахоўнік патлумачыў, што ў міліцыі выклікаюць падазрэньні ўсе новыя людзі, што прыязджаюць у Ельск. Але паколькі ў актывістаў былі з сабою пашпарты, то прычапіцца маёру больш не было да чаго.
Сход у Ельску па абраньні дэлегатаў на Кангрэс дэмакратычных сілаў не адбыўся.

Апошнія навіны

слухаць Радыё рацыя Міжнародная федэрацыя правоў чалавека Беларуская Інтэрнэт-Бібліятэка КАМУНІКАТ Грамадзкі вэб-архіў ВЫТОКІ Антидискриминационный центр АДЦ 'Мемориал' Prava-BY.info Беларускі Праўны Партал Межрегиональная правозащитная группа - Воронеж/Черноземье
Московская Хельсинкская группа
Молодежное Правозащитное Движение
amnesty international