viasna on patreon

Дэлегацыя Еўрапарламента сустрэнецца з прадстаўнікамі грамадзянскай супольнасці Беларусі

2009 2009-02-20T13:59:25+0200 1970-01-01T03:00:00+0300 be https://spring96.org/files/images/sources/euraparlament1.jpg

20 лютага ў Беларусь прыбыла дэлегацыя Еўрапейскай народнай партыі Еўрапарламента на чале з Крыстаферам Бізлі (Вялікабрытанія). У склад дэлегацыі таксама ўваходзяць еўрадэпутаты Лайма Андрык'ене (Літва), якая выступіла ініцыятарам візіту, Хасе Хаўер Помес Руіс (Іспанія) і Яцэк Пратасевіч (Польшча), кіраўнік дэлегацыі Еўрапарламента па сувязях з Беларуссю.

Як паведамілі БелаПАН у прэс-службе фракцыі Еўрапейскай народнай партыі Еўрапарламента, у рамках аднадзённага візіту запланаваныя сустрэчы дэпутатаў з прадстаўнікамі грамадзянскай супольнасці Беларусі, палітычных партый і дыпламатычнага корпусу.

Першапачаткова планаваліся таксама перамовы з прэзідэнтам Аляксандрам Лукашэнкам і міністрам замежных спраў Сяргеем Мартынавым, аднак афіцыйнага пацвярджэння гэтых сустрэч ніводзін з бакоў на гэты час не дае.

Увечары дэпутаты Еўрапарламента правядуць прэс-канферэнцыю, паведамляе БелаПАН.

Апошнія навіны

Партнёрства

Сяброўства