Вольга Завадская - у падтрымку "Нашай Вясны"
Вольга Завадская.
Вольга Рыгораўна Завадская, маці зніклага без следу 7 ліпеня 2000 г. аператара расейскай тэлекампаніі ОРТ Змітра Завадскага, падтрымала заснавальнікаў і сябраў праваабарончага аб’яднання “Наша Вясна”:
"З праваабарончай арганізацыяй "Вясна" я знаёмая практычна 10 год. І вельмі рада, што такая арганізацыя існуе. Яе супрацоўнікі аказвалі мне нямала юрыдычна-прававой дапамогі. І я шчыра шкадую і перажыла разам з імі страту юрыдычнага статусу ў 2003 годзе.
Я лічу недапушчальным, каб у рэспубліцы такая арганізацыя не была зарэгістраваная. Кожны грамадзянін Беларусі мае права на абарону сваіх правоў, і арганізацыі, якія аказваюць нам у гэтым пэўную дапамогу, павінны існаваць легальна. Таму я ўсёй душой за тое, каб "Наша Вясна" вярнула свой юрыдычны статус у рэспубліцы".
