Перспектывы адмены ў Беларусі смяротнага пакарання абмеркаваныя на сустрэчы дэлегацыі ПАСЕ з генпракурорам

2009 2009-02-19T16:35:59+0200 1970-01-01T03:00:00+0300 be http://spring96.org/files/images/sources/smert.jpg

18 лютага дэлегацыя ПАСЕ на сустрэчы з кіраўніцтвам Генеральнай пракуратуры Беларусі абмеркавала перспектывы адмены ў рэспубліцы смяротнага пакарання . Аб гэтым карэспандэнту БЕЛТА паведаміў намеснік генеральнага пракурора Беларусі Аляксей Стук.

 

Паводле яго слоў, сустрэча прайшла ў дзелавым фармаце. "Мы адказалі на ўсе зададзеныя пытанні. Абмяркоўвалася развіццё дэмакратычных прававых інстытутаў у рэспубліцы, ажыццяўленне правасуддзя", - адзначыў Аляксей Стук.

 

Што тычыцца перспектываў адмены ў Беларусі смяротнага пакарання, быў дадзены адказ, што перспектывы і рух у бок адмены смяротнага пакарання ў Беларусі захоўваюцца. Нават у Канстытуцыі і ў Крымінальным кодэксе існуе адмысловая абмоўка - "да адмены смяротнага пакарання". Акрамя таго, замежным гасцям паведамілі, што за апошнія гады выпадкі вынясення смяротных прысудаў у Беларусі былі адзінкавыя. "Смяротнае пакаранне - гэта не самамэта, і не зацятасць, а сродак для таго, каб засцерагчы грамадства ад надзвычай небяспечных асоб", - лічыць намеснік генпракурора.

 

Акрамя таго, прадстаўнікоў ПАСЕ цікавіла пытанне незалежнасці ў Беларусі суддзяў. Быў дадзены адказ, што суддзі ў Беларусі абсалютна незалежныя і кіруюцца законам пры ажыццяўленні правасуддзя.

 

Гутарка ішла і пра лібералізацыю стаўлення ўлады і праваахоўных органаў да ўдзельнікаў несанкцыянаваных грамадска-палітычных мерапрыемстваў. "Мы адказалі, што ва ўсім міры грамадска-палітычныя мерапрыемствы праводзяцца пад кантролем дзяржавы і патрабуюць спарадкаваных паводзін. Пусціць гэта на самацёк ніякія ўлады не могуць і не павінны", - распавёў Аляксей Стук.

 

У Беларусі, па яго словах, існуе парадак выдачы дазволаў на правядзенне грамадска-палітычных мерапрыемстваў і вызначаныя адмысловыя месцы ў цэнтры горада. Уся гэтая працэдура накіраваная на тое, каб не перашкаджаць руху і бяспецы іншых грамадзян. Для аховы правапарадку ў месцах правядзення такіх мерапрыемстваў прыцягваецца мінімальная колькасць супрацоўнікаў міліцыі, якія інструктуюцца быць вельмі лаяльнымі да нязначных інцыдэнтаў. "Але калі дзеянні ўдзельнікаў такіх мерапрыемстваў пагражаюць супрацоўнікам міліцыі, бяспецы іншых грамадзян, то, вядома, праваахоўным органам прыходзіцца ўмешвацца", - рэзюмаваў намеснік генпракурора.

Апошнія навіны

слухаць Радыё рацыя Міжнародная федэрацыя правоў чалавека Беларуская Інтэрнэт-Бібліятэка КАМУНІКАТ Грамадзкі вэб-архіў ВЫТОКІ Антидискриминационный центр АДЦ 'Мемориал' Prava-BY.info Беларускі Праўны Партал Межрегиональная правозащитная группа - Воронеж/Черноземье
Московская Хельсинкская группа
Молодежное Правозащитное Движение
amnesty international