ТБМ заклікае да актыўнага ўдзелу ў Міжнародным дні роднай мовы

2009 2009-02-12T13:32:31+0200 1970-01-01T03:00:00+0300 be http://spring96.org/files/images/sources/logo_tbm.jpg

Як паведамляе БелаПАН, сакратарыят "Таварыства беларускай мовы імя Францішка Скарыны" заклікаў суайчыннікаў актыўна ўдзельнічаць у ініцыятывах і акцыях аб'яднання, прысвечаных 10-годдзю Міжнароднага дня роднай мовы (21 лютага), заснаванага па рашэнні ЮНЭСКА ў мэтах захавання галоўнай духоўнай святыні кожнага народа.

 

У заяве ад 9 лютага "Жыве мова — жыве народ" адзначаецца, што "на беларускай мове створаныя неўміручыя літаратурныя творы, што ўваходзяць у скарбніцу агульначалавечай культуры". Беларуская мова "мае дастатковы ўзровень развіцця, каб гучаць ва ўсіх без выключэння сферах грамадскага і палітычнага жыцця краіны".

 

Кіраўніцтва ТБМ падкрэслівае, што"толькі ад нас залежыць наступны лёс тытульнай нацыі, лёс нашай краіны".

 

Аўтары звароту прапаноўваюць суайчыннікам прыняць удзел у зборы подпісаў за пашырэнне беларускай мовы ў сферы мабільнай сувязі; падтрымліваць беларускамоўныя СМІ; усюды размаўляць па-беларуску; перадаваць любоў да роднай мовы дзецям і ўнукам, а таксама прыняць удзел у 2-ой агульнанацыянальнай беларускай дыктоўцы.

 

У інтэрв'ю БелаПАН старшыня ТБМ Алег Трусаў адзначыў, што першы этап дыктоўкі пачнецца 21 лютага і будзе прысвечаны Міжнароднаму дню роднай мовы, другі этап — 15 сакавіка — будзе прымеркаваны да 15-годдзя прыняцця першай Канстытуцыі незалежнай Рэспублікі Беларусь, у адпаведнасці з якой беларуская мова стаў адзінай дзяржаўнай. Трэці этап падрыхтоўкі дыктоўкі — 25 сакавіка — прысвечаны 91-й гадавіне абвяшчэння Беларускай Народнай Рэспублікі.

 

 "Мы заклікаем усіх грамадзян прыняць удзел у дыктоўцы, тэкст якой не змяніўся. Ён будзе апублікаваны ў газеце "Наша слова" і выстаўлены на сайце ТБМ", — паведаміў А.Трусаў.

Апошнія навіны

слухаць Радыё рацыя Міжнародная федэрацыя правоў чалавека Беларуская Інтэрнэт-Бібліятэка КАМУНІКАТ Грамадзкі вэб-архіў ВЫТОКІ Антидискриминационный центр АДЦ 'Мемориал' Prava-BY.info Беларускі Праўны Партал Межрегиональная правозащитная группа - Воронеж/Черноземье
Московская Хельсинкская группа
Молодежное Правозащитное Движение
amnesty international