Прэс-канферэнцыя з нагоды затрыманьня ваўкавыскіх прадпрымальнікаў

Прэс-канферэнцыя з нагоды грубага і безпадстаўнага затрыманьня былых палітвязьняў і прадпрымальнікаў з Ваўкавыску М.Аўтуховіча, Ю.Лявонава іУ.Асіпенка  адбудзецца 12 лютага ў Цэнтры па правах чалавека (Менск, вул. Кнорына, 3). Пачатак ў 12 гадзін.

Як паведаміў праваабаронца Алег Волчак, на прэс-канферэнцыю запрошаныя сваякі затрыманых, ранейшыя палітзняволеныя, праваабаронцы, прадстаўнікі сродкаў масавай інфармацыі. Арганізатары маюць на мэце прыцягнуць увагу грамадства і міжнароднай супольнасці на чарговы факт юрыдычнага абсурду, калі абвінавачваньні,  выстаўленыя Лявонаву, Аўтуховічу і Асіпенку  не вытрымліваюць аніякай крытыкі.